豆干馬蘭頭

豆干馬蘭頭係一味我去上海菜館必點嘅菜式，好鐘意馬蘭頭一種獨有嘅菜味。其實Le個涼伴素菜唔難整，材料亦非常簡單，大家喺屋企都可以自己動手做！
今日就等我Le個"偽上海人"扮下識煮上海菜啦！

材料只有兩樣，五香豆腐乾 & 馬蘭頭 (賣上海食品嘅南貨鋪有售)，有部份高檔上海菜館亦會加入筍尖

       馬蘭頭洗淨，略浸

                         用油鹽糖水灼熟

見唔見到菜底有塊豆腐乾呀？由於我唔會再煮佢，所以放在筲箕底，將烚好菜嘅滾水倒下當"消毒"。馬蘭頭"琼"乾水放涼再用手搾出多餘水份備用

                           
我用Le個手動切碎機將豆干&馬蘭頭切碎，大家亦可以用刀剁，但如果用電動磨碎機就會攪到太爛，D菜會變成一"pat"菜糊！所以唔可以懶！

用生抽、糖&麻油調味

   放在雪櫃雪凍就就可供食用