乖乖 blog: 12月 2013

2013年12月31日星期二

Last day of 2013

今日係2013年嘅最後一日，亦係我假期嘅最後一日。雖然獅子王要返工但冇理由唔帶乖乖去玩下架！一個懶人加一隻懶狗最佳節目當然係坐的士上後山水塘行下啦！GoGoGo！

2013年12月30日星期一

公 / 婆孫樂

帶乖乖去探公公婆婆，食完lunch越坐越凍，公公提議帶個"孫"去公園仔玩，我話香港D公園十之八九唔俾狗入，公公話佢帶我哋去嗰度人影都唔多個，實冇人趕！OKOK又跟你Le個地膽去睇下

一去到個公園連相機都末拎出嚟乖乖又走去典草！

時光倒流@美荷樓

石硤尾對於我嚟講好陌生，一世人去過嗰區嘅次數應該一隻手數得哂！昨日同獅子王專程去嗰度參觀咗一幢舊公屋。有乜好睇？跟我哋嚟啦！

美荷樓（Mei Ho House），位於石硤尾清拆後分期重建的石硤尾邨，是現時香港碩果僅存的「H」形7層徙置大厦，獲評為二級歷史建築

石硤尾徙置區是香港第一個徙置式的公共房屋，於1954至1963年間興建，共有29座樓高六至七層的徙置大廈。從高處望下，樓宇像英文字母「H」，每個單位面積均為120平方呎，單位內沒水沒電，只在兩翼中央部份設有公共水龍頭、廁所及淋浴間，而兩端就是居住單位，所有單位入口均由長長公共走廊連接，晚間此公共空間充作居民乘涼和文娛耍樂用的長條騎樓。此外，部份分隔兩個單位的牆壁高處，設有長方形小孔作通風之用。

2013年12月29日星期日

Party animals @ SUS

這個聖誕假期乖乖日日都有好節目，當然又要多謝茶包Le個Party Organizer啦！星期六約埋班friend 去SUS Pet Cafe開返個遲來的Xmas Party，正所謂有心唔怕遲最緊要Happy！

一到埗奶茶同乖乖就示範乜嘢叫典床典蓆！ Wakakaka

2013年12月28日星期六

賞紅

每年都見到好多blog友去大棠影紅葉，每年都係睇相當去咗。每個去完影楓樹嘅人都話楓香林人山人海，好似去咗旺角！想獨自影一張冇路人甲嘅照片難過登天！Ha喺加拿大週街都係楓樹，當年都冇影過，E家走去同人迫？感覺總是怪怪！不過當收到奶茶邀請，問有冇興趣去影紅葉我想也不想就話Go Go Go！(好似滙豐個廣告話齋，唔係真係想去食麵而係想見多你幾面！)

2013年12月26日星期四

Christmas Party @ Lamma

聖誕日參加咗奶茶旅行社舉辦嘅南丫島一日遊，Le個團早船去晚船返，食足兩餐，帶大家行哂全島主要景點，領隊唔單止唔收小費，隨團仲包攝影師一名幫大家影靚相，仲有時間俾各團員在島上購物，所以Le個團好受大家歡迎，一出post即刻吸引咗21人18狗報名參加！同所有旅行團一樣出發前一定要影返張大合照！OK 出發！

Boxing Day is all about sharing

聖誕節係慶祝耶穌誕生嘅日子，但現代人已將Le個普天同慶嘅節日變成非常商品化，市面上只聽到消費的訊息，去邊度外遊、去邊度影燈飾、去邊間酒店食聖誕大餐、收咗乜嘢名貴聖誕禮物...
其實聖誕節亦係 time to share。
自從有咗facebook，每日都睇見有班"皇帝仔女"、"掌上明珠"得到好多好嘅愛，佢哋嘅臉永遠掛着滿足而自信嘅神情，與此同時亦見到太多太多被遺棄、被忽略的一群，佢哋嘅眼神充滿失落、驚慌和無助。
在此認識到的毛小孩都係超幸福的一群，有家、有愛、有温飽，所以如果你哋今年收唔到我送俾係哋嘅聖誕禮物請勿見怪，我只係將你哋的快樂分享咗俾一班住係保護遺棄動物協會嘅小朋友，願佢哋都感受到你哋嘅愛和快樂！讓失寵再得寵！代牠們多謝你、你、& 你！
http://www.saa.org.hk/

2013年12月24日星期二

Santa 乖

You better watch out,
You better not cry,
Better not pout,
I'm telling you why:
Santa Claus is coming to town.
He's making a list,
And checking it twice;
Gonna find out
Who's naughty and nice.
Santa Claus is coming to town.
乖乖扮Santa肚腩唔使塞枕頭！

2013年12月22日星期日

冬至

好多傳統家庭都話冬大過年，不過乖婆婆係"鬼婆"從來唔興做冬，一家人亦唔會特別食冬至飯！(舅父仔今日都唔喺屋企食飯)不過好耐冇帶乖乖去探婆婆，於是今日强迫乖婆婆食咗餐冬至飯hahaha！

下午茶食麥記，乖乖又有份！

別問我是誰

睇個標題如果你即時諗起王馨平首歌，你...年紀都有返咁上下lu！hehe
今日當然唔係同你喺度金曲重溫啦！每個人都有好多個身份，好似你哋會覺得我係乖乖媽，但喺乖乖心目中我又係邊個呢？
我除咗係屋企亞四、係乖乖嘅"teammate"幫佢一齊擊退"敵人"(獅子王)，而最重要嘅身份係乖乖嘅"御廚"！
上星期日我要返工，放工回來已是十時後，剛預備在梳化上休息，乖乖就"EE UnUn"，同佢掟咗一陣波波，佢就開吠我！攪乜呢？
獅子王話："佢想食嘢呀！"
Ha？十點幾都未食飯？想餓死我個仔呀？我話："點解佢唔吠你，剩係吠我嘅？"
獅子王話："日日都係你煮飯俾佢食，你估佢唔知呀？"
原來，我"煮飯婆"Le個身份真係深入乖乖心！