時光倒流@美荷樓

 石硤尾對於我嚟講好陌生，一世人去過嗰區嘅次數應該一隻手數得哂！昨日同獅子王專程去嗰度參觀咗一幢舊公屋。有乜好睇？跟我哋嚟啦！

美荷樓（Mei Ho House），位於石硤尾清拆後分期重建的石硤尾邨，是現時香港碩果僅存的「H」形7層徙置大厦，獲評為二級歷史建築

石硤尾徙置區是香港第一個徙置式的公共房屋，於1954至1963年間興建，共有29座樓高六至七層的徙置大廈。從高處望下，樓宇像英文字母「H」，每個單位面積均為120平方呎，單位內沒水沒電，只在兩翼中央部份設有公共水龍頭、廁所及淋浴間，而兩端就是居住單位，所有單位入口均由長長公共走廊連接，晚間此公共空間充作居民乘涼和文娛耍樂用的長條騎樓。此外，部份分隔兩個單位的牆壁高處，設有長方形小孔作通風之用。

                                               
 

 

 
              生於70年代嘅我對以下這些物品都有少許記憶   
                       
                    我見過但冇着過膠拖鞋
                       
                              
                       
事頭婆鈔票和郵票我曾經都擁有過，不過E家唔知去咗邊lu！

                                     細個睇半斤八両笑到傻！              
                                      
    LeD西裝look，我Daddy以前都係咁型架！
  在展覽廳有許多舊住客都寫上自家故事，而最Eye Catching嘅係Le四個字！試問有幾多人會"感謝貧窮"？就是這四個大字令我讀下去
 

 

 

 1957年讀聖士提反小學一個月學費$24

 

 
                                      
 Oh！Le位蘇生唔多掂，脾腎兩虧！Poor thing！

                       
                       
望見身後的旗袍我諗起以前婆婆做長衫會先買好布匹，然後打電話叫裁縫上門度身。(我仲記得個裁縫師個名呀！) 婆婆對長衫要好有要求，領、襟、袖都要雙綑邊，做花鈕，每件旗袍都係獨一無二嘅，我婆婆係最靚嘅婆婆！
                                     
Le D 嘢你又玩過幾多樣？

有好多參觀者行到Le個廚房話勾起好多兒時回憶，但對於我,,,我冇Le個感受。雖然生於70年代但我家從來冇用過火水爐，我哋屋企係用石油氣嘅，婆婆次次聞到隔籬鄰舍D火水味都話好臭，叫我"Um"住個鼻唔好吸

以前細個久不久會制水，右下角灰色的大水缸我家以前都有

記得我有跟過婆婆去米舖定米，當年己經有送貨服務架喇

                            
                            
                                        
                           
Wow Le D...好彩一世女都冇用過！

                                       

 

                     
                     
                     

以前婆婆屋企個廚房好大，(我估有5個Le D咁大)我成日入去偷餸食俾工人閙！

 
              係咪好型呢？！wakakaka

                                        

美荷樓除咗睇昔日生活，仲可以去士多shopping架！

                  Le個結婚花牌好正呀！

Le度有好多兒時零食

   LeD三千年開花三千年結果嘅王母蟠桃好懷舊呀！

               Yeah我細個食過Le隻眼鏡糖呀！

 

                     
                    Le 隻紅白波一定唔會陌生啦
                                      

扮嘢王！

                             
      我永遠都扭唔到嘅扭計骰！

 

好精緻嘅點心食品呀！(鎖匙扣)

 

 沙屎？？？乜唔係沙士咩？

我細個都好鐘意玩架

 

    有訪客留言

行完仲可以喺度醫肚(如果有位的話)
 

  

由於坐無虛席我哋去咗更懷舊嘅大排檔

 

 

 原來石硤尾D消費都唔平架wor！

雙拼河$37冇嘢飲

     之後仲去咗八仙餅家買零食、Wow仲有我幼稚園時最鐘意嘅肚臍餅！可惜E家唔食得！

今日同大家時光倒流60年！睇咗D歷史古物，你Like冇？