自從改變了工作時間心情跌到極低點，每日起床天才剛亮，乖乖只在床上枱一枱眼睛然後繼續尋他的好夢。裙拉褲甩地去梳洗、出門、碌落山然後搭一架十居其九冇位坐嘅巴士返工，未開始工作已經身心疲累！
你可能會話Le個係好多打工仔嘅寫照有何稀奇？Um...冇錯，但唔知好彩定唔好彩我一世女都未返過正常office hour，E家要我返8:30am我心理的確非常唔平衡！我曾經同一位朋友抱怨，返工唔知為乜？他想也不想同我講為錢。Yes， of course為錢！唔通為興趣咩？但錢...到底要賺幾多先至夠呢？
最近不下一次同家人講：再係咁做法，我好難做到60歲！第一次希望自己快D老，快D可以退休，因為每日返工嗰種心力交瘁嘅無助感非筆墨能所形容！我同獅子王亦講咗遺言：如果有日我做到瓜老襯，記得話俾各大傳媒聽我係俾公司逼死嘅！好喇，賺到嘅錢香港政府連多謝都冇句，每年就從我户口拿走6位數，我再一次問自己咁辛苦為乜？Once again，個答案又係為錢！
心理極之唔平衡最近又亂買嘢！除咗買鞋、買衫，仲想買錶買袋！咁落去真係唔係辦法！
人家用錢買而妳又想要人家啲錢，種種感受都喺個 package 度包埋！妳交得咁多稅，受嘅自然及必然多！
回覆刪除我喺鬼域個老細講得啱，佢叫我頂唔住時諗吓，人哋幾錢人工、我又幾錢人工！佢仲話，用得咁多錢請我個位就梗係硬嘢，易做嘅佢自己做番駛乜請我喎！
今次，我返嚟香港，令我對呢方面嘅方向都變咗；以前努力工作，目標係五十歲或之前退休。所以我一直死做，冇玩冇食，係返香港放假至放縱吓自己，返親嚟都駛廿個至幾十不等，當補償自己？！？！跟住又返去再賺過！！！！！
其實，係惡性循環！喺外國，的確用好短時間搵到喺香港搵唔到嘅，可惜，亦賠上身、心嘅健康！
呢年，我飲藥飲足一年，都怪捱壞咗！
呢年，我專心放慢步伐陪嫲渡天倫，追番之前失去嘅日子！
呢年，我發覺，原來日常生活唔駛用好多錢！（因為，裝修間屋同醫病駛咗好多，要慳啦 ^O^）
如果，計得掂條數，可以搵份輕鬆啲嘅工吖；再唔係，為自己定個期做多幾多年就唔做呢份，有個目標日子睇住追好易到！
我就諗住為保命仔，求其搵份兼職做吓算，嘻哈渡日唔駛用腦咪幾好，哪怕做七仔或茶樓亞姐！
妳嘅表現同心態，都幾嚴重架啦，自己調節搵位攝啦！傷咗情志變成抑鬱又傷入內臟就有排醫！睇我而家妳就知，我醫咗一年呀！
昭然，我當然明白受人錢財替人消災Le個道理，亦知道食得咸魚抵得渴，但敝公司近年要求多多，工作量大增人手卻有減冇加，公司政治每日上演，每年工資調整永遠低於通漲，同職位工時工量即大不同，實在令人氣難下！
刪除我都想好似你咁嘻哈渡日唔駛用腦！可惜卻事與願違！ HK E家冇輕鬆啲嘅工架喇，只有辛苦高人工嘅工 or 辛苦但低人工嘅工！
你好好調養再從新出發啦！祝好！
嘩! 兩位都好感觸呀! 我哋係凡人(= 煩人), 所以好多事情都自己攞黎煩, 每個人生活成點都係自己選擇, 要有條件就要付出, 唔想付出就要接受現況. 但重可以用其他事或物去平衡自己心理. 好似我媽媽 (= B哥婆婆) 會選擇, 開心買嘢, 唔開心買嘢, 好天買嘢, 唔好天買嘢, 總之想點都得. 而我就選擇睇多啲毛小孩嘅笑容, 由其是開心乖乖同旅行家奶茶啦! (^皿^) (*3*)
回覆刪除你Mammy想點都得已經非常幸福！睇毛小孩嘅笑容當然係一個非常好的減壓方法，可惜離家工作時間太長，工作時要面對的衰人和煩心事太多
刪除你個亞Q 去左邊?? 我都唔好得你好多.. 又要跟新O既野, 冇人做.. 又係推比我做, 真係做到個人灰晒, 日日返工就等放工, 星期一就等快d 星期六, 完全唔會再努力做, 但求唔做錯.. 完成工作.. 就算了... =.=!!!
回覆刪除大家快D中六合彩，我即刻豪一個月糧俾公司買返個自由！
刪除take a short break if you can ^~^想一想你心裏最想要的是甚麼...如果不是錢的話...你需要的只是勇氣去選擇...take care ^~^ 人總會遇上人生交叉點...我也遇過不少...最重要是選擇了不去後悔就是了~~
回覆刪除多謝你小花媽，我有假不過冇用，唔好以為放假可以充電，返一日工就冇哂電，問題依舊，好似巴士亞叔話齋 "未解決"！
刪除好羨慕你E家嘅生活
人總有失落時，試下搵d野去分散注意力，放左工就完全放低公司野，如果可以直頭放幾日假咩都唔好唸盡情玩，乖媽你好需要休息下個腦呢!我做咩都hea做，懶懶做，因為我覺得心情開朗先係動力來源:-)
回覆刪除我放左工已經完全放低公司野架喇如果唔係已經黐咗線！所以返到屋企同乖乖玩下，煮下嘢食我就最relex。假期我大把不過冇用始終都係要返工！我都想可以好似你咁咩都hea做，懶懶做，你公司仲請唔請人呀？wakakaka
刪除You spend your time in the office at least 8 hours a day, do your job well, then you get paid. That is life! If you enjoy doing your work that is bonus. If not, then you just earn a living that way. No big deal, time flies. We all go through these ups and downs. Hug your little boy, give a big kiss to your man, take a hot shower, go to bed.... We all love you, Karen.
回覆刪除I wish it was just 8 hours! It is too good to be true la!
刪除Thank you so much for you kind advises and caring.
香港60歲可以退休，我呢度要65歲呀，仲要捱多妳五呀陰公
回覆刪除香港E家都諗緊65歲架，千祈唔好實行呀！我唔想做到死嗰日！
刪除我就係同妳一樣諗法,為保情緒健康我就鼓起勇氣唔撈,最多使少DD啦
回覆刪除我一向覺得你幸福有車爸養！羨慕ing
刪除我好易養咋簡簡單單有得食有得住就ok喇
刪除我之前晚晚十一二才收工時已經有呢個感覺了, 所以才TAKE 個 Break 給自己想想生活的空間, 當然啦, 無錢就神仙難變啦, 生活想點是掌握在你手中^^
回覆刪除好彩你放工回去見到乖乖又可以叉叉電, RELAX 一下^^
俾咁多黎交稅, 等如白做
回覆刪除我都好嬲!
Hong Kong has very low tax rate! In France, we pay 65 percent!
刪除仲要交完稅我完原benefit政府福利！一世人又唔係住公屋，又唔係住居屋，冇小朋友所以冇免費教育/學券，交嘅稅益哂D新移民！
刪除咁人就要有取捨嫁喇. 你可以唔使,可以做份輕鬆既工. 好似我咁,得閒做吓PT,但唔代表我有人養,只係我降低咗生活要求去換取好既健康同精神.
回覆刪除咁你要問吓自己, 要揀辛苦番工然後想買乜都得; 等係唔想咁辛苦番工,不過買件衫,買餐好D既餸都要計過度過喇~~ 哈...放鬆D啦香港人 ^o^
你話人生幾無奈！我E家都過緊平凡生活呀，又冇成日去五星級酒店/米之連餐廳食飯！買嘢又唔係下下買名牌，但我唔食間屋都要供！D人又成日話MPF唔夠養老，所以我Mammy話要儲好多錢先可以唔Do！但我都唔知要有幾多錢先可以退休hahaha
刪除乖媽，早d返工米早d放工，可以咁諗，只係未習慣啫，習慣左就有事架la
回覆刪除如果真係可以早d返工然後早d放工咁我就唔會呻到樹葉落啦！
刪除我都曾經同阿頭講過,如果我做到瓜左,一定係公司殺死我....但最後都係要做~
回覆刪除因此,我嘅阿Q精神就越來越強勁了^^
Poly U 日前有staff跳樓，我睇下幾時輪到我公司！
刪除阿Q D 諗，早番早放，早d回家見乖乖，又可以早d買送煮home made比乖少，咁諗可能好DD
回覆刪除Sharon，如果真係可以早d返工然後早d放工咁我就唔會呻到樹葉落啦！
刪除你同上司反映下，睇下有無舒援方案，唔好諗得咁灰，有得交稅係福氣，唔係人人有資格交架！^^
回覆刪除我D上司short架！返9:30am放11pm所以做十幾個鍾佢覺得冇問題又點會同情D staff吖！
刪除