"窮"了一星期

上天對我不薄，加上父母恩澤，一世女未試過窮。從來用錢都可以好隨心，直至...last weekend...
星期五好多人放工會去happy hour飲嘢吹水, 小妹唔飲酒所以Le樣"娛樂"實冇我份！之不過逢星期五獅子王都好夜收工, 唔返屋企食飯，所以every Friday 都係我嘅fun Friday，唔使趕返屋企做煮飯婆！可以去行下街，買下嘢再食埋個"癲拿"先歸家。

一分錢一分貨

老爸話見到屋企附近有間酒樓賣廣告話乳豬一隻$148，話想去試下！$148全隻乳豬？真定假呀？有冇睇錯架？去新斗記食1/4隻乳豬都$178啦！E家講緊一隻乳豬，唔係一隻炸子雞wor！
如是者一家人半信半疑去到間酒樓再睇下個菜牌...Wow樣樣都好鬼平！我細佬話唔怪得咁多酒樓執笠！D價仲平過自己煮！
不過...當D餸開始上枱我就知道今次...中伏！

又嚟開心Duckybox

話咁快又一個月,早前收到Suzanne email 話Duckybox會再send禮物盒俾乖乖, hehe 好開心,好期待呀! 唔知今次又有乜驚喜呢?

冬瓜環

Weekend 去百X見到D迷你冬瓜仔好Cute，只賣$5個立即入貨！

Um...整乜好呢？迷你冬瓜盅？Err...要買好多配料wor，豬肉、蝦、燒鴨、草菇、蓮子仲要夜香花每樣要幾粒，都係唔好攪咁多嘢喇！簡單D整個素菜算啦！
冬瓜仔切頭去尾，再一開二 (頭尾可以用嚟煲湯唔使浪費)

深井色狼出沒注意

Weekend 如果冇特別地方去乖乖通常會walk 3 round。喺深井行嚟行去佢一樣好開心！
早上行完街喺Podium好大風坐咗一陣影返幾張開心相。

私房牛肉麵

夏天煮食盡量用最短的時間留喺廚房。牛肉麵係其中一樣含乎要求又好味的食品。
如果大家食過台灣牛肉麵都會知道所謂牛肉其實係牛"月展"，從小我就好Like食牛"月展"，我婆婆教我買牛"月展"一定要買金錢"月展"唔好買花"月展"，因前者一圈筋一圈肉，咁嘅牛"月展"才會好食！(我婆婆係理論派，佢唔識煮飯架！)
當我切開牛"月展"見到牠的花紋...心想...如果婆婆可以食到Le碗牛肉麵多好！對於不諳入廚的她，一定覺得佢個孫好叻啫！
今日用咗台南產嘅關廟麵，但我對Le隻麵麻麻哋，既唔彈牙亦唔夠滑，no good！
剩咗嘅牛"月展"可以留返做泠盆

Green Tuesday

Monday 冇go green，一於星期二補數！
約友人去私房齋菜館食lunch，水準如一，每樣食品都"有樣有內涵"！眼睛及肚皮都非常滿足！
先帶大家睇下我最喜愛嘅齋菜館。老板娘習字畫多年，這裏大部份的作品都出自她的巧手！

自製恐慌

唔知大家食火龍果鐘意食白肉定紅肉呢？
我一向prefer紅肉，不過唔係成日有得賣！昨日食lunch行過生果舖見到有紅肉火龍果，即刻買返office做Afternoon tea。
返到屋企去小解，Um...點解...D顏色...咁奇怪嘅？ 死啦...一定係腎病喇！
快D飲多D水先！

雨中作樂

星期一補假，成朝係度睇飲食blog，攪到我又想去西環食嘢，又想去佐敦踩新場幫襯近期大熱食店，睇呀睇，睇到流哂口水，鬼咁興奮！但望下乖乖期待嘅眼神...結果...所有嘅為食plan都要作罷！

出門時天陰陰不過又未落雨，返而冇咁熱於是一家三口去咗青山灣食lunch。
 

食泥？

鬼食泥大家聽得多，但我今日"迫"獅子王表演..... "食泥"！

Le盆"盆栽"靚唔靚呢？

Um...獅子王要食嘅就係Le兜"泥"
食啦！快D同我食晒D泥佢！
大家唔好以為有家庭暴力我虐待獅子王，其實Le杯係Chocolate Mousse 甜品嚟架！
我當然冇咁叻，咁好諗頭發明Le個"盆栽"甜品啦！除咗狗blog，煮食blog我仲好鐘睇飲食blog，早前見到有人去元朗一間甜品店"食泥"食得津津有味真係笑C我！
那甜品店所做的"泥"係Tiramisu，用那些橙啡色膠花盆盛載，再插上一株草，未食之前真係好似一盆植物，像真度100%令人讚嘆不已！
Le個就係甜品店Orginal版本(圖片從網上download)

 

咁好玩我一於抄穚！但我覺得用Tiramisu做"泥"食咗一啖後就會見到D"泥"係白色，所以我決定改用Chocolate Mousse，咁食每一羹都見到係啡色增强"食泥"感覺！

我懶，只係去City豬扒買咗Le pack 產自加拿大嘅 Light Chocolate Mousse粉



Le pack Mousse粉好啱我食，佢係Light只係用咗1g糖 (其甜味主要用sweetener)包裝袋說明佢嘅卡路里只係正常Chocolate Mousse嘅一半！

 

個Mousse好易整，用一杯(250ml)低脂奶加入Mousse粉用打蛋器打數分鐘至全身就可以入杯放入雪櫃。(我Le個分量做咗4杯)

數小時後加上餅碎 (我用Oreo 去除白色甜夾心部份再加消化餅打碎做成好raw嘅"沙泥"灑上朱古力Mousse上，再插上植物作裝飾就可以奉客！

 

Le個特色甜品連唔讚人嘅獅子王都讚呀！
D"泥"到底有幾好食？Hahaha睇下個兜食得幾乾淨就知！



睇住佢食泥食得咁滋味真係好好笑！

亞Q Mammy

我其實真係一個好有亞Q精神嘅Mammy, 坐車返工時諗下乖乖嘅日常生活, 一路諗一路笑.
乖乖唔係一隻好social嘅狗, 對出面嘅人好cool, 唔鐘意陌生人摸佢抱佢, 所以我知佢一定做唔到Dr Pet 但佢又好黐我哋wor, 仲鬼C咁嗲, 作為亞Q Mammy佢Le個性格我OK架! 正所謂親疏有別, 如果佢對我同對街外人一樣咁熱情咁我咪好蝕? Wakakaka! 再切身處地諗下吖,如果係人行過都嚟摸下你,你都嗌非禮啦!
乖乖係一隻好嘴刁嘅狗.喺一般人眼中Le D叫揀飲擇食, 作為亞Q Mammy我覺得佢係醒目仔wor, 唔係咩狗C垃圾都食, 浪費D進食quota, Le D先叫識飲識食! (似佢亞媽)  
乖乖係一隻好Like話事嘅狗, 帶佢落街佢想行向左的話, 你休想拖佢行右, 佢會企梗唔肯行架! 喺一般人眼中Le D叫唔聽話, 但作為亞Q Mammy, 我一定遷就佢架, 因為帶佢落街都係想佢開心啫, 佢想行邊咪去邊lor, 勉强冇幸福
乖乖係一隻好大細超嘅狗, 唔係對隻隻狗都Friendly, 作為亞Q Mammy我覺得...Arr...OK嘅, 就好似人一樣, 有D人可能樣衰衰, 格衰衰或者有濃烈體味, 你唔想同佢做friend啦! 只不過我哋唔係狗我唔識用佢嘅standard去睇邊隻狗樣衰之嘛
乖乖其實好多嘢都好似我, 佢係一隻happy dog而佢最好嘅性格一定係willing to share! 所有食物佢都非常樂意同佢D friend分享, 最後一個派俾佢, 佢都OK架!
同我一樣乖乖係會偏心嘅! 對於我嚟講乖乖最最最好嘅優點就係最錫我! 就係Le點我已經可以將佢一切的缺點看作成優點Hahaha! 我真係亞Q Mammy!