自製恐慌

唔知大家食火龍果鐘意食白肉定紅肉呢？
我一向prefer紅肉，不過唔係成日有得賣！昨日食lunch行過生果舖見到有紅肉火龍果，即刻買返office做Afternoon tea。
返到屋企去小解，Um...點解...D顏色...咁奇怪嘅？ 死啦...一定係腎病喇！
快D飲多D水先！

再去厠所吓？仲係咁？Aiya今次死梗喇！仲唔係 kidney failure？

成晚忐忑不安，Er...點解下腹仲好似隱隱作痛咁嘅？個腎係咪喺嗰度架？點算好呢？唔可以話俾獅子王聽，費事令佢太開心！唔可以話俾Mammy聽，佢一定話我成日食嘢control唔好血糖所以攪到個kidney壞咗！全晚囉囉攣唔知點解個肚又痛，條腰又痛，整整下...成身都唔舒服嘅？唔通...瓜得？Err...唔好諗，如果個天要你死，你擔心都冇用！一於瞓覺！

今朝起身又去厠所忽然醒起我食過紅色火龍果呀！原來...當你mentally覺得自己有病，你嘅身體真係會俾反應你，令係Le度痛，嗰度痛架！現今一切回復正常。今次自製恐慌，真係好鬼白痴呀！