"窮"了一星期

上天對我不薄，加上父母恩澤，一世女未試過窮。從來用錢都可以好隨心，直至...last weekend...
星期五好多人放工會去happy hour飲嘢吹水, 小妹唔飲酒所以Le樣"娛樂"實冇我份！之不過逢星期五獅子王都好夜收工, 唔返屋企食飯，所以every Friday 都係我嘅fun Friday，唔使趕返屋企做煮飯婆！可以去行下街，買下嘢再食埋個"癲拿"先歸家。
上星期五又好開心咁喺銅鑼灣買衫，揀完一輪去counter俾錢，E？我張Credit Card呢？唔見咗嘅？死喇死喇！都唔知幾時唔見添，有冇俾人盜用呢？
Believe it or not小妹好怕麻煩，一直只用一張信用Card，簽Card係佢，ETC withdraw錢係佢，連八達通自動增值都Le張card扣錢！今次唔見咗張card真係Big Big Wok！
俾咗deposit同個sales講幫我hold住D衫我星期一嚟攞 (Wakakaka死都要買！)
咩心情都冇晒！又冇Card可簽想繼續買嘢都唔得啦！返到屋企翻箱倒籠都揾唔到張Card (都預咗揾唔到)
於是即刻打電話去Card Centre報失，再check埋有冇人用過我張Card，好彩確認最後一個簽帳item係我自己買嘢簽嘅，安樂晒！HSBC話5個工作天後會issue張新Card俾我...Errr...咁我又冇card又withdraw唔到錢.，咁我點算呀？Um...唯有叫獅子王俾D錢我使住先
佢俾咗$3000我，點知星期六我去超一市買咗少少嘢，再去pet shop買咗包細糧俾乖乖咁就冇咗5嚿！星期一去間boutique找埋條尾數又冇咗$1200，去買咗一樣電腦配件返公司用再冇多三條紅衫魚！Wow，D錢咁唔見使嘅！？得返$1000...又要買餸...又要食lunch...又要搭車...點last到成個禮拜呀？於是...我成個星期冇買過無謂嘢，冇行過City 豬扒買餸，更加唔可以亂咁去shopping或者去食好嘢！一世女第一次feel到咩叫做"慳D使"！原來...要就住花錢，Le樣唔可以買，嗰樣又計住計住好鬼慘架！
秘書小姐話我可以叫獅子王再俾多D錢我，Yes...不過...我唔想俾佢知我到底有幾大使於是忍忍忍，一於就住使！(拿，雖然我大使，但我從來冇使凸架)
好彩Mammy星期三晚打電話嚟話：HSBC寄咗張新Card俾我(Yes Yes 我D信/帳單仍是寄去我娘家由Mammy打點 (See！在家一樣有秘書加專人理財wakakaka！)於是星期四晚拿拿聲去攞返張Card。嗰種感覺係...Yeah！我終於脫貧喇！

一世人"窮"一個禮拜就夠喇！一攞返張Card，Friday 就同公司個秘書小姐去慶祝佢生日，食咗個正Lunch，放工又去咗City豬扒入貨，做返一個正常、開心嘅我！
我好唔鐘意窮嘅感覺，所以我知...我一定要返工！