一分錢一分貨

老爸話見到屋企附近有間酒樓賣廣告話乳豬一隻$148，話想去試下！$148全隻乳豬？真定假呀？有冇睇錯架？去新斗記食1/4隻乳豬都$178啦！E家講緊一隻乳豬，唔係一隻炸子雞wor！
如是者一家人半信半疑去到間酒樓再睇下個菜牌...Wow樣樣都好鬼平！我細佬話唔怪得咁多酒樓執笠！D價仲平過自己煮！
不過...當D餸開始上枱我就知道今次...中伏！
先嚟個瑤柱冬蓉羮...Wow咸到呢！飲完包你血壓高20度，我細佬飲咗兩啖就放棄！
菠蘿咕嚕肉...Wow D粉厚到吖！
賽螃蟹...油太多又冇味！裏面D帶子粒又唔得
較為食得入口嘅只係條煎封黃倉同粉絲什菜煲！(只係唔難食但冇好好食呀！)
去到Le個位終於等到是日主角出場，但對Le間酒樓嘅出品已完全沒有任何期望！
哼！又估佢唔到，隻乳豬個樣都算靚仔wor！又唔肥！皮都算脆！冇投訴啦！

咁嘅價錢冇可能會expect佢會用上新鮮豬啦，又或者好似D電視飲食節目主持扮晒嘢話:"Wow 件乳豬皮脆肉嫩，D肉好juicy好有豬味呀！"
我一向都話，你俾咩錢就係食D咩貨式，邊有咁大隻蛤乸隨街跳吖！如果唔係仲有人去貴價酒樓食好嘢？真係當人儍架？
雖然隻乳豬好平但我唔會recommand俾大家，因為...我好耐冇去過一家酒樓咁唔得！