麥麥奇脆多

唔知大家仲記唔記得小蕾生日Party我哋大伙人食咗一樣叫竹炭奇脆多呢？Cafe老板當時十分慷慨分享咗Le個小食嘅做法。餐廳用竹炭麵包，塗上蝦膠加上奇妙醬，再用春卷皮包住去炸！

Le個就係當日大家非常有興趣又話好味嘅竹炭奇脆多喇！

我最鐘意做copy cat，攞咗個秘方當然照板煮碗啦！由於我家附近嘅supermarket冇竹炭麵包賣唯有買麥包代替，整個A貨麥麥奇脆多啦！

                                             

"他條"行後山

 

昨晚只係開風扇瞓，瞓到半夜竟然凍醒！今朝起身，向住後山D窗好好風，仲要係涼風，正到不得了！Le D天氣如果唔帶乖乖出去行下好似好對唔住佢wor！但係去邊呢？喺廚房整早餐，被後山D風吹住好爽呀！Yeah有啦！一於去後山，去行深井水塘！

嘆完個早餐再睇哂D新聞就坐的士上山(hahaha冇錯，我哋Le D舒服行山團係唔會虐待自己，行到自己氣絕身亡咁上山嘅！)
乖乖一落車就放低幾両大大，唔通...咁會行得輕鬆D？

                      我個仔幾開心！

                 
                    

方便叻沙

我好鐘意食Laksa，但喺香港要揾到正宗又好味嘅Laksa唔容易，不過從今以後我就可以足不出户嘆到好好味嘅Singapore Laksa！ 

 自從見到有網友去完星加坡玩買咗Le包叻沙拉麵返嚟煮攪到我流哂口水！

幸福

本來諗住今日偷下懶唔寫blog，但無意中偷聽到一段好有趣的對話加上要remind下獅子王佢幾咁幸福...忍唔住又要執筆。
話說今晚獅子王唔返屋企食飯，我一個人費事煮就喺茶餐廳食飽先返屋企，食食下有兩位男士坐咗係我隔離枱。由於實在坐得太近，佢哋嘅conversation我"被迫"聽哂！
A男：點呀？新婚生活開唔開心呀？
B男：好忙！好多家務要做！又要吸塵，又要洗衫，又要熨衫，又要煮飯，又要洗碗！
A男：吓？你煮飯？你老婆唔係好叻煮嘢食嘅咩？
B男：佢好少煮飯架，煮嘅次數真係少之又少！
A男：唔係掛，我見佢facebook成日"po"D相，佢買咗好多厨具架wor！
B男：係lor，剩係買厨具唔煮架wor！
聽到Le度我差D忍唔住笑，偷偷"Gup"下B男個樣...Arr...肥仔，你俾人揾咗老襯啦Wakakaka！
A男：咁你要煮飯點解你唔叫你老婆幫下手分擔下其他家務呀？
B男：佢每日放工返嚟都話好攰！一食完飯就入房瞓覺！
我幾乎想答嘴話：車，邊個返工唔攰唔辛苦呀？我每日放工返到屋企話我想死添呀！咪一樣要做！你咁傻仔抵你做死啦！
Having said that，現今真越嚟越多男人會願意為自己老婆/女朋友煮飯兼做家務，我公司都有幾個，包括我嘅前老板！反而D女同事大部份都唔煮飯架wor！
我Le個前澳洲老細曾經同我呻，話有日收到佢老婆電話，問佢幾點返屋企？佢好興奮喺電話度問佢老婆：乜你好掛住我咩？點知佢老婆話：我好肚餓呀，你快D返嚟煮飯俾我食啦！Wakakaka笑死我！
我問老板點解唔請返個工人，佢話佢個香港人老婆食嘢好奄尖，剩係鐘意食佢煮嘅飯wor！我話：點解你唔特登煮得難食D，咁你老婆咪俾你請工人，你咪唔使做得咁辛苦lor！我老細即時對眼一亮，話我咁聰明！可惜，佢話識得我太遲wor！Wakakaka！
獅子王，請問你E家覺唔覺自己好幸福呢？

朋友的祝福

朋友不用多，慶幸我有幾個知心友。
雖然下個月才是我的生日，但早前已收到我第一份的生日禮物。
送禮者是我亦師亦友的前輩，我哋曾經在同一機構共事，她亦是獅子王嘅學姐。
自從各自轉投不同公司服務，一年難得遇上幾次，久不久才會通通電話，可是十多年來她從來沒有忘記過我的生日，這份情誼盡在不言中。
早前半夜收到她的電話，得悉她無論工作、家庭和健康均出現了嚴重問題，令我一夜無眠，到天色漸漸泛白才累極而睡。
我和這位朋友一直好羨慕那些唔開心就辭職的人，因為大家可以唔為五斗米節腰，但如果你賺緊五十斗米呢？公司要你跳火圈都可能要去跳！翌日再收到她的電話，告訴我她已呈辭！多年來一直工作至上又位高權重的她，情願陪錢給公司都要立時離職，足已証明心死！
她告訴我在她決定離職前特地去買了一份名貴的禮物給我，這份禮物她說在店中揀了兩個小時！她重複地說："Le份禮物好襯你，我要將最好的送俾我的好朋友！"聽到她的說話我好感動！並不在乎那份禮物嘅價值，(雖然我知道真係好貴)禮物的式樣亦都唔重要，重要嘅係她對我嘅Le份心意！
My friend，雖然前路未明，但恭喜你走出咗這一步！你比我叻，可以先走出了死胡同！希望今後你可以活得快樂！
大Al Le首歌正好送俾我Le位鐘意喝酒的好朋友

幻夢理想 早己有 我為名利 強忍哀愁 努力以赴 不退後 今天我 名利有 可惜不可以永久 現實痛苦早巳受夠 厭倦名利 寧願放手 有玩偶沒朋友 解我悲哀只有酒 心中抑鬱我似木偶歌聲之中找不到真感受 讚美裡只有誇張與虛浮 但願突破我願尋找 那真我 從前夢想不再擁有 幻夢已醒 苦已受夠 放下名利 拋開憂愁 往日燦爛不再現 今擺脫名利誘 轉身一笑 我便走 望著遠方 生氣漸透 向著前路 昂步仰首 我願意盡情笑 不記悲哀 不記憂 此刻心中快樂透 輕輕將悲哀拋去一揮袖 我要那歡笑天天暖心頭 願望實踐世上從今滿歡笑 前途望去一片錦繡 高歌一曲抒出我真感受 我要唱出心中歡笑哀愁 但願在這世上從今有真愛 和平共處不再爭鬥      

打風齋

唔知大家打8號風球前有冇去超市諗住入下貨呢？天文台講到隻天兔十年難得一遇咁勁，我以為真係會橫風橫雨好幾日添！星期日未掛8號波前見冇乜雨拿拿聲走去超市諗住補下個糧倉啦，仲俾獅子王笑我同D C9搶貨！點知去到冰鮮雞冇哂，菜架空哂 (salad菜除外)，豆腐賣哂，吓？連麵包都俾人掃哂？OMG！E家打風啫唔係打杖wor！使唔使咁誇張呀？
結果我只係買到嚿梅頭豬肉，用咗嚟煲皮旦瘦肉粥做星期一早餐(買唔到麵包咪食粥lor)，冇菜賣咪買咗D菇菇用嚟整咗下面Le個好味齋餸lor！

上次去裕華，一次過買咗好多台灣急凍素食，今日就試下Le欵如意雞卷(一包有兩條)加D本菇&麵筋就可以煮碟正齋

 

"快餐版"鮑魚麵

見大少奶整咗個南非吉品鮑撈伊麵Wow Wow Wow 引到我流哂口水！
無奈小妹冇咁豪買乾鮑食，又冇大少奶咁得閒，可以花咗三日三夜用豬肉又用雞殼又炆又蒸去烹調D吉品鮑，於是整咗以下一個"快餐版"鮑魚麵！
友人送了一罐帝京酒店嘅鮑魚俾我。

一罐有六隻

   用鮑魚汁加麻油撈咗個瑤柱麵底，加上唐生菜&飽魚即成！雖然唔係糖心乾鮑但我都好滿足Lu

到底中秋定大暑呀？

明明食咗月餅過咗中秋節，點解星期六仲熱到好似大暑咁，連呼吸都有困難架？一定係嗰隻天兔攪鬼！
昨晚要同獅子王家人出外用膳，一於放低乖乖去婆婆屋企等佢唔使獨留在家咁悶！
睇下乖乖，次次去探婆婆都好開心架

雞絲春卷

好多人都鐘意放假上茶樓嘆返一盎兩件，可惜...冇茶樓歡迎乖少！
不過唔怕，久不久我都會整D點心俾佢嘆下，昨日得閒，就整咗好耐冇整過嘅南瓜雞絲春卷

                                   

                                    
                                        材料有雞柳、南瓜&春卷皮

"螢"爆中秋節

 

八月十五個個都出街曬月光

平時同乖乖去walk條街靜英英，鬼影都冇隻，

昨晚，深井竟然變咗旺角，可以用人山人海嚟形容！

好日都唔見有個警察，昨晚竟然出動兩架警車嚟炒牌(違例泊車)！！

 

我哋一家大細當然都應下節，扮"螢"D先落街walk啦！中秋出街最緊要"螢"吖嘛！

難得獅子王又肯同我一齊癲，帶住個咁"螢"嘅眼鏡出街, 你哋話佢"螢唔螢"先？Hahaha！

好多小朋友都話好鐘意副眼鏡呀！

 

                  

 

 

我買咗個好靚嘅金魚燈籠呀！係咪好有中秋feel呢！

 

中秋節食月餅

今晚係迎月夜在此祝各位中秋節快樂，人月兩團圓！
自上年學人亞茂整月餅俾乖乖唔成功後，今年完全冇mood再整，好彩卡卡Mammy為一眾毛小孩精心製作咗愛心月餅，乖乖不至冇月餅應節！

昨晚已食咗一個，今日俾大家欣賞下個月餅賣相幾咁了得，同出面買的完全冇分別架！勁！



材料用咗蕃薯&南瓜，切開咗個樣好似奶黃月餅呀！




用多士焗爐返叮，一焗熱咗好香架！




大時大節當然唔止食"月餅"咁齋啦，加咗D香草牛"月展"就係乖乖嘅美味晚餐。

 

 

食鮑魚咁豪？

 

 自傱搬咗嚟新blog發現好多人都出少咗post，大家好似冇哂momentum，我都唔例外！連去留言都少咗！至今仲未習慣Le個新地盆！

Weekend食多咗肉，又係時候清清腸胃。

大家唔好以為我發咗達，平時喺屋企食家常便飯都食鮑魚片咁豪！

 

 

Hehe我Le碟只係A貨鮑魚片咋！

 

 

 Le包台灣製嘅素鮑片，主要成份是海藻抽出物，所以口感帶爽，似蒟蒻，味道卻略咸！

.Le個素食並不是我的推介！只不過希望食少D肉，多D素，所以買包玩下啫！

小蕾2歲開心生日派對

星期六乖乖又有得參加開心生日會, 不過今次晤係有狗狗生日而係去參加小蕾2歲生日暨星葵100日大派對.同一般小朋友生日Party唔同, 除咗兩位女主角外,所有被邀出席嘅其他小朋友都係毛小孩!

我地今日去咗個新場玩, Le間位於大棠嘅C Zone Pet Cafe仲未正式開業，我地就已經率先試玩！ Christy & Albert 花盡心思一早為兩位千金怖置得個塲地好靚.

             

  

                    小蕾公主真係越大越靚女,可愛到不得了! Kiss Kiss Kiss!

提早Happy Hour

 

 

星期五好多朋友放工都會約朋友去happy hour ，不過我今日嘅"happy hour"提早咗幾個鐘頭...獅子王嚟銅鑼灣揾我食lunch呀！

 

 

 中間可以take個break同獅子王食飯真開心！我公司有個好鐘意開會嘅老細，鍾意一路食lunch一路開會久不久就要全世界要陪佢喺conference room食三文治！

 

                                      

                                    

                                     

 

開心收大禮

E？又有禮物嘅？我生日未到wor！

 

 

 
                                             
            邊個咁大手筆送架"Lu C Loi C"俾我，好豪呀！

 

                     有北京填鴨又有人字拖，仲有大頭狗咕？

 

 

Wow發達！

                                                          

                                  多謝Uncle Five & Auntie Isabella 呀！

                                       
                      一睇就知乖乖真係好胃食！一嚟就係咁咬隻填鴨！

 

 

                                           
                                   唔使幾個字就KO咗隻Peking Duck！

 

                                             乖乖： 乜咁快食完嘅？
                            

 

 

乖乖：Uncle Five，Le隻北京填鴨唔多"襟"食，下次唔好再買喇！