如意吉祥

祝各位如意吉祥、馬年行大運、笑口常開、萬事勝意、龍馬精神、財源滾滾、五福臨門！

 

維園年宵

星期六去銅鑼灣食團年飯，食完梗係"順便"去維園行下花市啦！估唔到年宵第一日已人山人海！

                       年宵真係乜都有得賣，連賣澳洲和牛都有！

                         最Like Le D得意立體揮春

      

閒遊沙田

星期日本來想同乖乖去城門水塘行下，點知出到荃灣見到等Van仔條長龍超長，獅子王話可以搭的士上去，不過我怕走時好難等車，於時立即改plan去沙田打個round。去到已達午飯時份但帶住乖乖好多餐廳都唔去得，最簡單莫過於City豬扒買D現成嘢成家人坐露天位嘆住開餐！(今日仲有Live Band現場伴奏！康民署攪咗個青年交響樂表演)

 

話明一家三口一齊食，乖乖梗有份啦，佢今日發達！

"印度"角仔

角仔對於我嚟講非常陌生，無論係我媽咪、婆婆、嫲嫲都從來冇見佢哋包過！最近見到好多狗狗Bakery都紛紛推出狗狗賀年食品，蘿蔔榚我估乖乖未必like，笑口棗冇肉更唔食！Um...角仔裏面包嘅餡自定，可以包肉，啱晒食肉獸乖乖！
上網睇下人食嘅角仔點整啦，Wow 100g粉要用50g固體菜油？唔係掛？肯定食到乖乖肚痾！於是自己自由創作，100g低筋粉+10g吉士粉 (令個皮黄D)+1湯匙Olive oil+適量嘅水搓成粉團

    餡料隨意，由於試做性質用最簡單的紅蘿蔔雞絲
          

狗兜裏的愛

喺Facebook見到有人用"狗兜裏的愛"Le個名。嘩，真係好名！
每日我都會為乖乖做飯，常常花盡心神為佢選購最好嘅營養食材，菜式亦盡量求變，所以喺乖乖的狗兜裏面真係包含住好多我對他的愛！
可能有人會覺得我無須攪咁多嘢，但如果大家有留意乖乖，每次佢食飯個樣都好認真，同一般狗唔同，每次開餐前佢都會做QC，左聞右聞，聞足成分鐘先食！乖乖對食物真係好有要求，好認真唔係乜都食落肚架！佢食嘢亦唔會狼吞虎嚥，真係慢慢嘆架！所以對佢嘅飯菜我亦不敢怠慢，要認真對待架！
好喇，講咗咁多，乖乖近日又食過乜呢？有人話冬天食羊肉可以補暖，雖然唔知真定假，但反正乖乖好Like嘅羊肉，係百X見到D紐西蘭羊肩幾靚，就買返嚟俾佢啦！

先灼熟蔬菜

卷起灑上香單

                          

獨留亞媽在家

 

喺Facebook見到 Le 張相覺得好sweet，再睇埋D字，Wow簡直100%認同！

由於獅子王要出差，唔想乖乖skip咗個morning walk，又要整天獨留在家咁悶，所以今日送咗乖乖去婆婆屋企渡兩日假，等公公婆婆可以陪下佢，帶佢去行多幾次街。

雖然只係兩日，亦知到Le個安排對乖乖係最好，但坐車回家我已經好掛住佢！

好多狗狗同主人分開會有分離焦慮症，但原來我....都一樣可以有Le個病架！嗰種感覺好空虛、好失落、好掛住佢，好想立即攪住佢！獅子王話乖乖只係離開我哋兩日，佢話你結咗婚你都離開咗你亞媽啦，你亞媽有冇掛住你吖？Haha我話你下次見到佢你自己問下佢lor！

我同獅子王講我想像唔到如果乖乖死咗我會點！E家分開兩日我都唔捨得！佢幾衰呀，叫我死得早過乖乖就冇事wor！啍！

返到屋企我立即打電話俾婆婆，婆婆話乖乖已自動上咗床瞓覺lu。我又同獅子王講我好掛住我個仔，間屋好鬼靜，我好唔慣！點知又俾到位佢激我，佢話：間屋好清靜，好正呀！

喺Facebook成日見到被遺棄的毛小孩好慘，其實如果你love someone unconditionally and with your whole heart要同佢哋分開一樣好慘架！

 

牛肉餅意粉

我D同事成日話乖乖食嘅嘢好似人食嘅咁，一D都唔似狗狗飯餐！
冇錯！乖乖食嘅嘢除咗冇調味之外基本上人都食得架！
Le碟意粉你又想唔想食呢？Hahaha                      
                       

食窮娘

乖乖嘅識飲識食(or揀飲擇食)我唔使多講好多人都見識過。無論係肉類(識分產地來源)、魚(只食咸水魚，淡水魚唔食)、麵包(只食貴價包，一般麵包舖 / 茶餐廳麵包唔食)、雪榚(只like食H牌，雀巢唔食)，堅係識分平定貴，D cheap嘢佢真係會走開唔食架！
蔬菜，即買即煮會食，在雪櫃放多兩日先煮就唔食！
多年來我不斷測試乖乖，所有生果我都試過俾佢食，suprise suprise佢只係食甜嘅橙！(酸嘅唔食架！)心諗蘋果、香蕉、梨、西瓜、蜜瓜、荔枝、龍眼Le D咁甜嘅生果通通都唔食，咁鬼怪？！久而久之我都費鬼事再測試佢！
昨日買咗日本蘋果回家，切咗一個，乖乖竟然走嚟八！我同佢講 : 蘋果你唔食架！隔一陣佢又嚟聞下，咁我咪遞俾佢lor點知佢食wor！Wow，識佢咁耐都未見過佢食蘋果呀！仲要食完一粒又一粒！Le個二世祖吖唔貴唔食？真係食窮娘！

向全世界說愛我

昨日同乖乖去walk感覺特別sweet！除咗佢一路行一路give me a big big smile之外，佢仲"話"俾全世界知佢最愛的人係我呀！

唔信？你睇下！佢真係咁講架！(一睇就知Le件衫係邊個買架啦！Hahaha！)

有福同享

食扒真係唔使出街食，因為只要買到靚牛扒，煎扒係完全冇難度嘅！
加上如果去靚扒房乖乖又冇得去，所以都係喺屋企食最perfect！

一盎兩件

今日要同家人及長輩去又一城飲茶，即係乖乖冇份去啦！不過唔去又唔代表冇點心食wor！出發前快手整咗兩樣點心俾乖乖嘆！兩欵點心餡料一樣不過口感完全唔同，唔講咁多，去相！

牛肉加上紅蘿蔔絲

用上海雲吞皮包好

圓玄學院

星期一補假，諗住帶埋乖乖去睇下圓玄學院一年一度嘅菊花展，點知去到才知道展期已過！不過亦無損大家心情，返正閒日此地清靜，建築又有特色，而最重要係 -- 歡迎乖乖！ 

美味牛湯河

如果你問我一碗美味的牛湯河的靈魂係乜？我一定話係個牛肉湯！

Eric's party

星期六去咗Eric屋企開新年P。

 

Le D出自Alice手筆的狗狗鏡畫真係好神似！超靚！

六小福真身！ 

                                  

乖乖舊blog

懷緬過去常陶醉
一半樂事　一半令人流淚
夢如人生　快樂永記取
悲苦深刻藏骨髓

唔知大家仲記唔記得Le自歌呢？Yes Yes Yes 我係"old cake"，唔知點解以前D歌總是印象深刻，近代D歌反而唔記得歌詞！唔知係咪老人痴呆症呢？

Yahoo Blog已於12月已成為消失的歷史，逝去了的都已逝去！

當Yahoo宣告唔再operate時，我Le個 "電腦天才" 當然忐忑咗好耐啦，之不過佢要死我可以唔俾佢死咩？本來諗住螞蟻搬家，將每篇舊blog一篇一篇copy & paste過新blog，點知D人又話咁唔work，D相遲D會冇哂！
為免乖乖的快樂童年消失於無形，我當然"盡最大的努力"去咗幾個 "輕鬆搬家" 之後再set up 新account咁我就得以保住咗好多乖乖嘅歡樂時光！你話我係咪"天才"先 Wakakaka！
本來我諗住除咗我自己冇人會有興趣睇乖乖嘅 舊blog，諗住D backup keep it to myself，點知乖婆婆最近問起wor，OKOK Click入 Le個"隨意窩"Link可以睇返晒乖乖嘅"舊日的足跡"，大家有興趣都可以入去懷緬下過去！
http://blog.xuite.net/acl_65/hkblog
或者以下個Weshare account都得！
http://weshare.hk/gwaigwaisze

 

懷緬過去常陶醉　一半樂事　一半令人流淚

夢如人生　快樂永記取　悲苦深刻藏骨髓
韶華去　四季暗中追隨　逝去了的都已逝去
啊......常見明月掛天邊
每當變幻時 便知時光去

懷緬過去常陶醉　想到舊事
歡笑面常流淚　夢如人生　試問誰能料
石頭他朝成翡翠　如情侶　你我有心追隨
遇到半點風雨便思退　啊......常見紅日
照東方　每當見夕陽　便知時光去
如情侶 你我有心追隨　遇到半點風雨便思退
啊......常見紅日照東方　每當夕陽便知時光去

平民版西餐

 

今日又到咗食平D嘅時間！出街食Grilled Portabella Mushroom好貴，如果去City 猪扒買都一樣好貴！但最近俾我買現係鵝頸橋街市嘅普通菜檔有Le種菇賣，一pack三個賣$18，一於買嚟整下。
                          
話明平民版，我將西洋Baby Spinach 變成普通菜檔嘅菠菜，將mazzarella cheese變成普通片裝車打芝士，有朋友送我一包風乾火腿，今日用上了。如果冇、可以用普通煙肉代替，而無須特地買風乾火腿

   菠菜先用油、鹽、糖水灼至軟身，弄乾，略切，放上大啡菇上，再放上風乾火腿