"印度"角仔

角仔對於我嚟講非常陌生，無論係我媽咪、婆婆、嫲嫲都從來冇見佢哋包過！最近見到好多狗狗Bakery都紛紛推出狗狗賀年食品，蘿蔔榚我估乖乖未必like，笑口棗冇肉更唔食！Um...角仔裏面包嘅餡自定，可以包肉，啱晒食肉獸乖乖！
上網睇下人食嘅角仔點整啦，Wow 100g粉要用50g固體菜油？唔係掛？肯定食到乖乖肚痾！於是自己自由創作，100g低筋粉+10g吉士粉 (令個皮黄D)+1湯匙Olive oil+適量嘅水搓成粉團

    餡料隨意，由於試做性質用最簡單的紅蘿蔔雞絲
          
                                    "顏"開粒麵團

                                  包入餡料

我懶冇咁好心機用手接口，只係用叉收邊

 

真係一心不能二用！焗到一半搽上蛋漿後冇睇火，於是就變咗"印度"角仔！！唉！

 

睇下乖少個樣！擺明話我知佢唔收貨啦！

乖乖：焗得咁樣衰我亞媽仲夠膽寫blog俾人睇，失禮死人！

乖乖：難為佢仲希望我會食！佢自己食咗一角猛話好味wor，我就唔信喇！

乖乖；唔好再叫我食呀！我唔食粗嘢架！

乖乖：哼！你呃我唔到架！

Daddy：你呀媽喊到"wet wet"聲喇，俾D面食兩啖啦！

乖乖：唉！我又冇叫佢整，整咗又要我啃，真麻煩！

乖乖：算啦，好又一餐唔好又一餐，食少少俾足面架喇！