元蹄

成日俾人誤會我係上海人，每次去上海舖D老板都同我講上海話！雖然我唔係上海妹不過我的確好鐘意食上海菜，由其是...紅燒元蹄！
Le欵大菜係上海人過時過節不可或缺的一味餸菜，就好似廣東人過時過節一定要有雞一樣。去街市見到塊豬肉好靚又唔肥一於買隻元蹄返屋企整！請師父切隻元蹄俾我，佢話:你哋D上海人個個都高高大大，又鐘意食元蹄。Err...師父，我唔係上海人，不過我都高高大大亦好鐘意食元蹄
買元蹄記得叫老板燒毛呀！
我唔識做正宗嘅紅燒元蹄，只係用咗我自己的方法用真空煲煮淋佢
元蹄用薑葱出水後，用薑、蒜、花椒、八角、香葉、日本豉油、老抽、韓國米酒、冰糖再加水煮滾放入元蹄放入真空煲，每隔一兩小時反復煮滚後放入真空煲，每次將元蹄返轉煮至淋，用小棠菜伴碟就OK！