Um...整乜好呢？迷你冬瓜盅？Err...要買好多配料wor，豬肉、蝦、燒鴨、草菇、蓮子仲要夜香花每樣要幾粒，都係唔好攪咁多嘢喇！簡單D整個素菜算啦！
冬瓜仔切頭去尾，再一開二 (頭尾可以用嚟煲湯唔使浪費)
去心去皮洗淨備用
是日浸白切雞，於是就利用雞湯把冬瓜環浸熟，大家亦可以隔水將冬瓜蒸熟。
至於配料好隨意，屋企有山根及栗米，再加上金菇及舞菇就OK，大家想顏色靚D可加唐芹及紅蘿蔔(山根先用熱水略灼去油)
用少許鹽、糖、酒再加蠔油將配料炒熟就可以放入冬瓜環內 (大家喜歡的話可以打個玻璃芡會再靚仔D)
Le個素菜做法簡單不油不膩，但口感豐富，一D都唔寡架！
沒有留言:
張貼留言