乖乖疑似中毒事件

乖乖為食路人皆知，但發夢也想不到他連毒葯也不放過！

星期三，一覺醒來眼見滿床都是黑色膠碎片，正在摸不著頭腦乖乖又咬破什麽時忽然靈光一閃正是新買回來的曱甴葯餌！Oh my Godness! 真被眼前的景像嚇破膽。

腦子一遍空白，口中不斷埋怨Lion King沒有把那些葯餌貼在更隱蔽的地方。一方面看乖乖有沒有異樣，又不斷地打愛護動物協會那個二十四小時永遠打不通的緊急熱線，撥了數十次電話後終於駁通了！嘩，當時開心過中六合彩！可是，十秒後電話另一端卻令我想講粗口，

當我告訴他我的小狗吃掉了一個曱甴葯餌時他給我一個我亞媽係女人的提議–就是盡快帶乖乖去看醫生！「＃％＆＊」大佬呀！鬼唔知最好立卽睇醫生吖，８點鐘未開門吖嗎。打咗幾十次才駁通的電話，你唔係比D咁廢嘅答案我呀？！天才！

一路留意乖乖有沒有異樣，但見牠又好似行得又食得，條脷又沒有變黑，沒有嘔吐又沒有拉肚子，好似乜事都無。一於多等一會才決定是否帶牠去看醫生。Lion King照顧着牠，越看越覺得牠不似有事，我們才鬆一口氣！到底是乖乖身體强壯；還是買了水貨葯餌，所以無效？無論如何多謝天父讓乖乖冇事，希望衪繼續看顧保守着我們，阿門！

一早唔夠8點鐘，就被小獅妹「奪命狂呼」把聲搞到我從睡夢中驚醒，一如小獅妹本色，有乜事梗係嘈定先，仲要梗係你唔！仲之乜事佢哂！你一定錯哂！！！！

唔講咁多，講番小獅妹咁早嘈到拆樓做乜事，原來好大鑊；乖乖唔知點樣將合餌咁硬膠都能夠咬爛哂！當時嚇到小獅妹花容失色（可能係起身原故），我都被乖乖嚇呆咗

 

！食咗盒嘢會死狗！當時我梗係四處搵乖乖究竟有沒有吞過D餌；定係咬爛哂盒嘢，最恐怖係硬膠碎片處處、餌則唔知係邊樹；小獅妹只係係隔離不斷埋怨點解唔收好D餌，係你衰，你衰，係你衰！

 

好似部錄音機壞咗咁

 

搞到我果日原本要探阿媽，都要改期，全天候不斷貼身照顧乖乖，睇吓佢有乜異樣？期間有人話餵佢飲奶、質佢食「梳打」、「刮喉取物」等等…等等……等等。仲有人話，兩、三個鐘沒事就冇事、又有人話八粒鐘、亦有人話要睇12個鐘、但最勁係餌要24小時後才過危險時期，嘩！勁！

 

期實想知乖乖有冇食過餌？好單簡！但我又唔敢話俾小獅妹呢個絕世好橋，我驚佢話我太叻仔，我可能會好「撬」。只要捉隻監生質俾乖乖食；之後等半粒鍾番出嚟，隻生區區的話，即係乖乖無食過餌啦！係咪好醒呢！   

希望乖乖大步檻過啦！