最愛是誰？（下）

乖乖：究竟我鐘意Ball Ball多D定係Miu Miu多D？真係好難抉擇。一個夠嬌、但另一個又夠俏，同Ball Ball感情較深、但Miu Miu又青春少艾，真係好難，好難作決定。 

至於，我生命中三個最重要既女性，大媽、媽咪同埋契媽，就仲難揀，佢地千萬唔好問我三個跌落水救邊個先，到時真係妳哋唔死我死。如果咁唔好彩俾佢問到，最多話我跳埋落黎一齊死算數！

乖乖（：我最愛既人同狗都係齊度。（左：契媽《Miu Miu & Ja B》中：大媽《Ball Ball》右：媽咪）。

講到食既話，我乖乖舉埋腳指公都係最愛媽咪啦！亞媽知我為食，但佢又衰心軟，只要輕輕流露出哀求的眼神，佢就乜都俾我食，你話盞唔盞鬼？我食硬妳呀媽咪。

 

至於講到玩既話，就一定係契媽，因為契媽為人顛顛得得，又鍾意同狗狗玩傾偈，走黎走去無時停，加上我同契媽愛子Ja B份屬老死，我地兩郎舅精力過盛，實行玩死契媽。

講到恩情既話，就一定係大媽，佢一手帶大我，教我知書識禮；仲有就係做狗既道理，等我入得主人睡房、出得主人廳堂，屙C唔會週圍屙；屙 liu 唔會射濕腳，多謝妳阿大媽，但點解妳唔教埋我唔好咁咸濕；搞到我成日俾人話係咸濕乖乖，都係妳既錯！

 

最愛是誰？我卒之得到答案，就係最愛是誰……都得！我愛大媽、愛媽媽、愛契媽、愛Ball Ball、又愛Miu Miu；個個都咁愛；話時話，我都好掛住貝貝，大媽得閒帶佢出黎俾我親一親都好喎！

 

新囡囡（包包）上場，特別受歡迎。

我收到好多禮物，多謝肥肥貓媽！