「雙齒星」失竊事件

一向乖乖都有佢做狗既道理，就係牙齒當金使，話一就一、話二就二；極其硬頸，永無妥協，除非出動乖乖兩大剋星——發聲小雞同小食，咁係狗乎其名——乖乖。

乖乖做狗都好有原則，鍾意就走埋黎親親您、

唔鍾意就震騰騰咁狂吠您

；從不會無聲狗噬您；只會一路吠一路tun，永無口一句、心一句。


從乖乖成為家中一份子開始，肥肥貓媽已告知乖乖有一隻乳齒未換，那顆「雙齒星」一直伴隨著乖乖700個日與夜，不離不棄地結伴相隨。之後獸醫為乖乖打加强針(annual booster)時又再話如果乳齒脫掉，就要動手術把它拿掉，吊鹽水、驗血、麻醉、手術費埋單接近3千個大洋。原先小獅妹都準備同乖乖既「雙齒星」做分居手術

，因為獸醫話不拿掉可能會爛牙，但聽肥肥貓媽話，麻醉得多對乖乖唔係咁好（因乖乖曾麻醉絕育），並教小獅妹每日動「雙齒星」多次，初期「雙齒星」穩如泰山，我都諗定輸數。點知日前發生離奇失竊事件，乖乖的「雙齒星」終於光榮退役，找遍全屋卻找不到那顆牙齒，唔通乖乖為食到連自己隻牙都唔放過？