冰皮月餅

一世女都未整過人食嘅月餅但今年有個乖乖月餅模冇理由剩係用嚟整幾隻狗月餅就算架！一於上網睇下人哋點整月餅，睇完一輪發現傳統月餅要好多功夫又要買好多材料，我當然退而求其次整冰皮月餅啦！
打電話俾師父Christy問功課，佢話上年去Bakery shop買預伴粉整冰皮月餅好食過自己溝粉整！Wow一聽到佢講Le句我就開心囉！星期五放工即刻喺銅鑼灣買粉，仲俾我發現有好多來自台灣frozen嘅現成餡料！基本上你諗到都有！紅豆、綠豆、白蓮蓉、白豆蓉當然有啦、芋頭、南瓜、芝麻、棗泥、日本宇治綠茶餡、北海渡牛奶餡、荔枝玫瑰、特濃咖啡、Mocha、Valrhona 朱古力餡、法國栗子餡、特級班蘭餡、伯爵紅茶、玫瑰花堅果餡、楊枝金露餡、粒粒芒果餡等，真係你講得出都有！咁多撰擇咁精彩，我無謂自己攪啦，一於買盒粒粒鳳梨餡試下。
就係咁，非常簡單跟住個說明加油加熱水就搓好個皮
\                           
                           
計下數、量好D餡嘅份量

每印一次月餅都要撲D榚粉 (熟糯米粉)入模，防黐

 磅下D皮，分成等份

 Wakakaka就咁easy，就做咗我人生第一碟冰皮月餅

白色D字唔夠出，下次可以加綠茶粉、南瓜粉、芋頭粉、朱古力粉做不同顏色皮

 下一次challenge，要做榴槤月餅，出街買一盒好貴架，自己做應該唔難！