消暑八寶冬瓜粒湯

是日小暑，一定要食下冬瓜應下節啦！煮乜呢？冬瓜炆排骨？冬瓜炆釀豆卜？Um...不如煮個冬瓜粒湯啦，一煲攪掂，湯又係佢，餸又係佢，食湯飯又清D冇咁肥膩！
                           
我係古老人，以前去酒樓食八寶冬瓜盅真係好多料。E家大部份酒樓將貨就價，偷工減料，完全唔掂當！
八寶冬瓜盅其中有一樣食材我覺得係一定不能少嘅就係燒鴨！簡直係有畫龍點睛嘅作用！偏偏我出街食咗幾次冬瓜盅竟然冇or得好少燒鴨，或者E家D新派廣東菜唔興？Anyway，出面食唔返那種舊有味道咪自己整lor，又唔係難！自己喺屋企當然唔會走去燉個冬瓜盅玩到咁大啦！退而求其次就煲咗個八寶冬瓜粒湯。材料除咗有冬瓜外仲有豬肉、雞腎、蝦、蟹柳、燒鴨、冬菇、草菇:&夜香花，足足八樣材料架！

 Le個湯飯好好味！大滿足！