是日小暑,一定要食下冬瓜應下節啦!煮乜呢?冬瓜炆排骨?冬瓜炆釀豆卜?Um...不如煮個冬瓜粒湯啦,一煲攪掂,湯又係佢,餸又係佢,食湯飯又清D冇咁肥膩!
我係古老人,以前去酒樓食八寶冬瓜盅真係好多料。E家大部份酒樓將貨就價,偷工減料,完全唔掂當!
八寶冬瓜盅其中有一樣食材我覺得係一定不能少嘅就係燒鴨!簡直係有畫龍點睛嘅作用!偏偏我出街食咗幾次冬瓜盅竟然冇or得好少燒鴨,或者E家D新派廣東菜唔興?Anyway,出面食唔返那種舊有味道咪自己整lor,又唔係難!自己喺屋企當然唔會走去燉個冬瓜盅玩到咁大啦!退而求其次就煲咗個八寶冬瓜粒湯。材料除咗有冬瓜外仲有豬肉、雞腎、蝦、蟹柳、燒鴨、冬菇、草菇:&夜香花,足足八樣材料架!
Le個湯飯好好味!大滿足!
夏天我都好鍾意食呢個湯飯, 係好正咖! 我覺得個湯又清又甜! (^0^)b
回覆刪除我Mammy有個拿手冬瓜蓉湯我遲D都會試煮下
刪除正呀
回覆刪除真係方便又好味
刪除齋睇都覺正!
回覆刪除多謝捧場hehe
刪除真係好正, 剩飲湯食餸已經夠晒飽!
回覆刪除係呀可以食少D飯
刪除好想飲呀
回覆刪除超足料啊, 淨食湯料都飽wakakaa
回覆刪除