講左幾日乖乖既衰野同惡行，係時候緩和一下氣氛，本來想講下乖乖一些正面d、可愛d既行為，但又好似過分硬銷，又會俾人話一啖砂糖一啖A，所以都係唔好住，等遲些少啦！
不如寫番兩個自創（唔係老抄）既心理測驗及智慧問題。首先就係心理測驗：
如果妳隻狗無意中吞左隻三卡鑽石結婚介子落肚，妳會點做。
- 叫醫生割開佢個肚，「才羅」番隻介子。
- 打鑊金後，等隻狗屙番隻介子出黎。
- 將佢人道毀滅，「才羅」番隻介子。
- 若無其事，當唔見左。
跟住係智慧問題：
有三隻狗，大狗叫洛奇、中狗叫碧提、細狗叫乖乖。呢三隻狗既戰鬥能力，洛奇最勁，被佢咬親次次都變死狗；碧提就差少少，咬三次實有兩次咬死狗，最渣就係乖乖，咬三次只有一次咬死！
三隻狗要進行生死決戰，規則要由最渣既狗首先攻擊，跟住就係碧提、最後就係洛奇。問題就係如果你係乖乖，你會咬邊隻狗先，佢先有機會保住條狗命。
【答案要有人回應選擇才公布】
沒有留言:
張貼留言