狗間悲劇 無良主人棄狗失蹤——續篇〔1〕

9月28號寫左一篇【狗間悲劇 無良主人棄狗失縱】後，事件發現原來仲有下文，前日小獅妹巧遇好心狗主既好友，便問及那兩隻被遺棄小狗情況；原來這好心狗主英文名叫Betty，最後都將這隻小狗送到香港薄扶林既 Hong Kong Dog Rescue，當時兩小狗極度恐懼，因在這麼短時間兩度被遺棄，牠們惶恐之情；愛狗之人是會領會得到。HKDR義工幫助小狗檢查後，發現小狗原來仍然「身懷晶片」，這一發現令到Betty雀躍不已，便即時以晶片資料聯絡該狗主。而此人居於深井，此狗主除無良外，更加狡辯，他說這小狗確是他所有，但已送給予一名好友，而好友是非常愛錫小狗，決不會遺棄。

點解我覺得他狡辯，首先如真的送給你的好友，為何小狗會遭遺棄？第二，遺棄地點咁岩又係深井？第三，聽見你曾養過小狗被遺棄，為何只淡淡然說幾句說話，並沒有企圖或意圖領回及責備好友？

其實當日見到該兩小狗，毛髮短小，乾乾淨淨，小獅妹仲講個主人都係錫狗之人。但原來真實情況是，Betty當晚見到這兩小狗時，全身毛髮已結成一餅餅，骯髒不堪，帶回家後要全身剪毛，並要清洗兩次才可以回復原狀；這是小點愛狗之心也難做到。

大家都好想知這兩可憐小狗命運如何？其實被遺棄的小狗只有兩種命運；小數地再被收養；絕大多數被人道毀滅。欲知兩小狗有何際遇？明早再續。