搶食狗世界

今個星期，五、六、日；班狗友日日都有節目相聚，但全部都同食有關，周五打邊爐、周六晚飯後便狗狗相聚一刻、周日中午飲茶，晚飯便是狗友家中聚餐，而聚餐中最精采的並非我們吃的食物，而是三隻小狗爭相搶奪小獅妹親身炮製的美味春卷，當乖乖及Ja B表現極其勇猛，狼吞虎咽地將自己的食物吃光後，便想搶奪別狗的食物，連一向斯文慢熱的Miu Miu，都不甘後狗；拼命狂食，乖乖以為Miu Miu唔聲唔聲好好恰，加上Miu吃得特別慢，想搶埋Miu Miu果份，點知大小姐一係唔發火，發起火同佢阿媽一樣咁勁；連吠幾聲，嚇得乖乖呆一呆、死死地氣走頭！

三隻小狗（上至下，Ja B、乖乖、Miu Miu）埋頭苦幹搏命進食。

Miu Miu為食到連三個食物碗都要舔到一乾二淨。

另外，仲有一段小插曲，亦係同乖乖有關，話說小狗們吃完晚餐後，大家梗追下女仔、玩下波仔。點知乖乖與Ja B為了一隻玩具鼠鼠，各不相讓，對峙了整整三分鐘，卒之都係乖乖搶贏，激到Ja B條氣當堂唔順，突然氣喘；嚇得Ja B媽花容失色，連忙安撫Ja B，最後好彩冇事，都係乖乖惹的禍！