乖乖偷食記

乖乖為食就係人多知，除了經常靜靜雞摷垃圾筒搵野食外，仲會專吼你入廚房拿東西時偷餸食，早餐就偷咖啡飲；總之乖乖見你食乜就要食乜！

最大鑊係中秋節時我切左個月餅，咁橋有飛鴿來電，出返廳唔見左半個雙黃白連蓉；當時乖乖仲鬼咁招積咁，舔哂「月利」，好鬼有型咁坐埋一邊，伸哂腰大覺瞓，真係想即刻打鑊金佢，但係又驚佢食左半個月餅後會上天同嫦娥姐姐傾偈；好彩最後都冇事。

但前日乖乖又再度偷野食，小獅妹做左個煙鴨蛋餅，諗住自己歎，點知乖乖一句唔該話：「好野齊齊歎」，咁就分享左小獅妹個蛋餅。以下是乖乖的犯罪証據；同埋趙完餅個招積衰樣。