姓「吳」的乖乖

我個名叫乖乖，是一隻活潑好動；人見人愛、車見車載既貴婦狗；唔知係唔係我主人姓吳定係生我既狗爸姓吳，我主人成日同人講，我叫「唔乖乖」，但無所謂啦！總之，有小食俾我就乖乖；無小食就唔乖乖。

仲有我唔記得話俾您地聽，雖然我得1歲9個月大，但我既輩份相當唔野少，主人話俾人聽乖乖係「公公」，佢一講，我當然配合佢啦！所以即時收腰挺胸，擺出一幅昂然的男子氣慨模樣，相信不少當時經過的狗女都被我的英姿颯颯的風範所吸引。

今日，主人少有地下畫帶我到沙灘同班狗友相聚一刻，當我剛到時，大狗朱古力已經將我列入不受歡迎人物，係咁追著我黎咬，好在主人醒目，一手抱起我，可能主人知道我一出口就非同小可，為免朱古力受傷，都係將我地分開下好D，呢D都係歸咎我太受狗女歡迎所致，一D狗仔、狗公都唔係咁Like我，但我最唔明當時西洋菜曲卡Happy小姐見我被追殺，竟然不停吠，我當然唔相信佢會為朱古力打氣啦！可能係驚我被咬親，叫我快D走！我係理解佢對我一番情癡，但我心儀只有狗女西施Miu Miu，所以我一見佢就死心塌地咁做貼身膏藥，左楷揩右揩揩，但Miu Miu小姐相當高竇，唔多理我呢位靚仔，加埋佢細路黑人貴婦Ja B做其千火電燈膽，所以我不得不出絕招，趁Miu Miu唔留意射左兩滴尿尿係佢左右手度，通知其他狗公，Miu Miu係我既，叫佢地唔輕舉妄動同我爭女！

晚上，主人去左Happy小姐千呎豪宅吃飯，見下Happy小姐個細路巨人拉布拉多Rocky，在座還有Miu Miu & Ja B媽，主人話佢地今餐食得好豪，魚蝦蟹雞鴨甜品，樣樣有齊，但最慘無預我，所以只有我一個人吃著狗糧等主人返黎！