大project

從小就鐘意食豬肺，金銀菜豬肺湯係一個令我又愛又恨的湯，愛它的美味，恨它的功夫多。Le個湯我Mammy都甚少煲，所以要飲，就得落手落腳去做！
可能你會話點解唔出街order呀？Yes，陸羽、港大舊生會嘅豬肺湯都好出名，但唔可以成日去架！多年前亦因為有人話季季紅D豬肺湯掂，於是特登搭車去屯門藍地飲湯 (結果係---把鬼！豬肉就大把豬肺得嗰幾嚿！完全有被騙嘅感覺！)
去打邊爐如果D食店有杏汁豬肺湯底，我必定order！(so far 我覺得"不倒翁"嘅豬肺湯底最掂！杏汁香濃豬肺份量亦多)
早幾日獅子王又話我知屯門有間食店推出杏汁花膠豬肺湯賣$280一窩，Um...老老實實成$300一窩湯貴唔貴？當然貴啦，但如果足料好味，我係願意俾嘅！因為我今日自己煲金銀菜豬肺湯的成本都超過$100，D材料重到死，仲要返嚟再做餐死懞！

去街市買兩個已洗的豬$30 (真係洗得好乾淨，老板娘仲幫我切好一件件等我做少D)但真係重到呢！

喺金飯碗買嘅本地菜乾$20 (冇沙，超得！)

 排骨頭$38，新鮮雞腳 (在雞檔買，好味過D大大隻雪藏貨好多架) $25，大白菜$21 (斤半)

 白鑊 (hong)乾D豬肺，反覆做4-5次，洗淨

                           
排骨及雞腳用薑出水，加埋南北杏，菜乾，蜜棗，一角果皮就係全部材料

 咁就可以拎去煲

煲到D豬肺淋就可以加埋大白菜，再煲到D白菜淋就OK

幾多豬肺！^o^

Le碗湯真係一碗嘔心瀝血的"功夫湯"！乖乖仲好Like食D煲湯白菜添呀！