飲茶

我好鐘意飲茶，因為我唔識自己整點心！但越來越多酒樓嘅點心粗製濫造，行貨到不得了，日前同父母去九龍城就食咗一餐一Ｄ都唔好食嘅點心！完全浪費我食嘢嘅quota！
為咗補償心靈嘅損失昨日再同獅子王去咗一間我想去但從未去過嘅中菜廳飲茶！如.粵滬中菜廳位於荃灣L Hotel，成日經過酒店門口但又真係冇幫襯過，一於入去八下。
一入到酒店Lobby第一個感覺係....Wow乜間酒店冇冷氣嘅？又焗又熱！第二個感覺係Wow 我返咗Big Six呀？全個Lobby塞滿强國同胞！個個大大聲講嘢！死啦...今次又中伏？
好彩上到7樓有另一番景象！有冷氣！環境仲好安靜！
                           
我哋好早到，全個中菜廳只有另一枱客，仲要係講廣東話嘅客！安樂哂！

Le個腸粉屬水準之作，皮薄，餡料亦多！

蘿白絲酥餅係我飲茶必點項目

可惜...Le個蘿蔔絲餡煮得末夠透身！

                           
松露海鮮餃，OK，唔難食但冇好好食

蝦餃亦算OK，皮薄但點解冇筍嘅？

上湯煎粉果，Le個真係No good！炸得好油！連張白色底紙都滿哂油！

 

                                      
Le個燕窩煎堆仔D燕窩份量都交足功課。

獅子王問我點解想嚟Le間飲茶？我話我睇Openrice 好多人讚。佢話我白痴，咁都信！Hahaha！
Overall，Le間食店嘅食品係不過不失嘅，但冇網上講到咁正！反而D waiter服務態度遠超我預期，值得讚賞！最後嘅驚喜係HSBC Credit Card 有discount wor！