一"臉"天堂、一"臉"地獄

大家可能冇乜幾何見到乖乖唔開心。
以下嘅照片你一定可以feel到佢有幾down！

點解乖乖咁唔開心？如果...你相信心靈感應，相信寵物傳心術咁就不難理解為何乖乖會咁down！由於星期三大厦要停電數小時，在酷熱的天氣下怕乖乖會中暑所以星期二帶咗乖乖去婆婆屋企住一晚。乖乖一向好Like去婆婆屋企每次去都笑逐顏開但今次一早話佢知佢要自己留係婆婆度瞓佢就全日提不起勁，完全冇哂mood！其實...冇mood嗰個又點止佢一個吖？要放低我個仔我真係好唔捨得！所以養咗佢7年我都冇佢過旅行，因為我相信Le個世界冇乜嘢比佢更加attractive！回家途中忍唔住在小巴流馬尿，回到家中冇"人"熱烈歡迎，嗰種空虛、失落感非常强烈！

今日中午懷着"久別重逢"的心情去接乖乖，Oh！Look at his happy face！只係分開短短十幾小時我倆嘅心情完全唔同！真係一"臉"天堂！

 

                                        

 只要一家人可以一齊就好開心