如果我問你Le碗係乜？而你答清湯蘿蔔牛腩嘅話，你只係答啱蘿蔔嗰一半！
你可能會覺得D肉係牛腩但surprise surprise其實佢係豬肉嚟架！！！
以我咁為食又咁好奇嘅人當然第一時間撲落街市，口震震問個老板有冇蝴蝶腩賣？個老板話；車！D人"安"個好聽D嘅名啫！豬肉邊有蝴蝶腩架？除手拎塊肥瘦相間嘅腩肉出嚟問我要幾多。
輪到我話：車！你Le塊係五花腩之嘛！我見到我朋友買嗰塊蝴蝶腩有好多筋又唔肥架！跟住我就想走，點知佢叫我等一陣，叫伙記係檔裏面攞咗兩塊肉出嚟問我係咪Le D肉？Yes，that was it！
我唔理你叫乜，總之就係Le塊肉。兩大塊才$28平過牛腩好多呀！
用炆清湯腩嘅方法 -- 豬骨湯一盒，加花椒、八角、香葉及原粒白胡椒，再切兩片薑及少量冰糖煲滾
就可加入白蘿蔔同炆
正呀！(同牛腩一樣原塊炆，炆好先切肉質會軟滑D)
多多筋少少肉啱哂我！D肉質好嫩，有D似豬"月展"。今餐食咗一塊，仲有一塊留返第二餐！
多謝車媽好介紹呀！我估我以後會炆Le個蝴蝶腩多過炆牛腩Lu！
牛下未拆時，有間麵舖專賣蝴蝶腩好好食! 當年仲未流行食呢個部位，佢已經賣到開晒行!
回覆刪除筋膜多，我驚忟到幾淋，我個 94歲嫲都食唔到呢條裙，所以唔敢煮!
經妳差啲被搵笨，我識點同豬肉檔講嘞，啲人真係當我哋傻夾懵?! 多謝妳啲行情啊! ^.<
Le塊肉真係幾正，你嫲嫲應該都食到。可能人人有唔同叫法，總之認住塊肉個樣就唔會買錯
刪除thanks for your photo! Never saw this part of pork before!
回覆刪除This is also my first time to see it too
刪除呢種裙邊我都鐘意呀! 我今晚都係炆蘿蔔, 不過用魚炆, 都好甜好好味架!
回覆刪除蘿蔔炆魚我都Like呀！
刪除妳嗰邊街市食水好深呀我買$8蚊塊咋
回覆刪除哈哈哈哈哈哈… 肉佬用腩肉呃唔到妳，就轉為呃妳嘅錢?! 真卑鄙?! 同佢講呃咁多，以後唔幫襯!
刪除連價位都知埋，我哋去到街市可以扮醒啦! 多謝妳哋啊!
$8？！！咁我咪要入東涌買餸？
刪除荃灣應該都好平
刪除嘩..真係唔講唔知喎...下次我都買舊番黎炆先..平過牛腩咁多
回覆刪除Haha所以睇blog有益！大家share下街市情報，天下正餸一大抄！yes真係平靚正！
刪除唔講真係以為牛腩，又學到野，搵日試下先。
回覆刪除我初初睇車媽個blog都以為係牛腩呀！Le個一定要試好淋好滑，正！
刪除我like蘿蔔多D~
回覆刪除個蘿蔔的確好甜
刪除我都係鍾意食筋多個食肉
回覆刪除筋真係好正！下次要炆下牛孖筋先
刪除昨晚毛婆都整咗呢個肺裙邊呀, 好好味啊, 最正係個d 骨膠原啊 ^0^
回覆刪除Wow毛婆好快手wor！仲係我忠實fans添Hahaha！
刪除我都要試下, 好想食蘿蔔炆牛腩, 但戒緊牛, 可以用依個代替, 多謝乖媽好介紹.
回覆刪除但係唔係唔洗先出水先架? 直接煮就得?
好似好多人E家都唔食牛wor！想冇咁肥可以先出水，我懶真接煮都冇問題
回覆刪除哈哈哈！
回覆刪除