Don't be a crying baby！

今日喺Facebook有兩位朋友不約而同share咗鄭欣宜的一篇文章。我唔係想挑機，不過...作為一個肥妹，一個一世人冇瘦過一日嘅肥妹，一個比好多男人還要重嘅肥妹，我睇完佢篇文章又想講下我嘅睇法。

文章的第一句 : "由細到大， 肥 = 我" haha 真係感同身受 ！

但我同欣宜唔同，我從來冇因為我嘅身形而唔開心，或者冇自信！叫我納悶嘅係當一個人一出世就係肥，一出世就鍾意食嘢，由細俾人叫肥妹叫大嘅，點會接受唔到自己嘅身形呢？我好接受到自己架！

欣宜想減肥做世界上的普通人，講真，我又真係從來唔想wor！首先減肥即係冇啖好食 = 冇人生樂趣！跟住又要做運動，即係要出汗又辛苦！Most important of all 為乜先？變靚D？多D人like？Arr...我justify唔到lor！加上我一直認為除非你係靠個樣揾飯食，一個人嘅personality、知識比身材樣貌更重要！
如果你根本唔係一個靚女，咁俾你做一個樣貌普通嘅瘦人又點呢？亞Q D咁諗，我就情願做一個靚嘅肥人，好過做一個唔起眼嘅瘦人wor！其實肥人都唔一定係死肥婆嘅，瘦人都可以係死八婆啫！

Having said that，我同欣宜最大的分別係，佢係食娛樂圈飯而我唔係。

正所謂食得咸魚抵得渴，做得娛樂圈就預咗俾人評頭品足。縱使你演技有幾好，歌藝有幾精，你有幾努力Le D通通都係後話。Sadly,喺香港做娛樂圈靚係事半功倍嘅。而Le個圈嘅審美標準 -- 瘦係基本！Whether you like it or not 只要你肥少少，你就係豬扒！係唔fair架，但Le個係social norm！入得場玩你就係要跟Le個遊戲規則！

可能你睇咗欣宜篇文章你會覺得佢好慘，好同情佢，佢話為咗減肥佢過著非人生活，但與此同時她亦承認她得到很多的讚美，擁有很多很多機會。

可能你會覺得我好mean，但係減肥 is part of her job！For God's sake 佢减肥有錢收架wor！Le個世界有付出先有收獲，受人錢財就要替人消災架啦！我日日返工夠過著非人生活，我夠depress啦！但鬼叫我窮呀，都要頂硬上架wor！

佢話減肥期間佢胃痛，身體彷彿告訴她，不夠飽，吃得不夠。

我都想話我日日起身都唔夠瞓，週身骨痛！工作上的壓力甚至影响着我嘅血糖！

欣宜話佢無數個夜晚都問自己，我就是這樣過日子嗎？Hahaha！This is a million dollar question我日日都問緊自己！

欣宜話佢要做回自己，令自己最快樂，要令自己最健康。我絕對相信佢做回自己，想食就食係會令佢最開心 but at the same time 一個肥人其實係好難健康架！肥人對糖尿病、高血壓、膽固醇、冠心病都係high risk！唔好再呃自己，自完其說啦！
可幸，我比佢幸運，佢身邊最親的都走了，我身邊卻有好愛我的屋企人！

不過佢又比我叻，佢開展咗健康的生活 不會再强逼自己，不會再漠視自己的心靈。

我希望有一日我都可以唔再强逼自己返工，令自己24小時都快樂！

忍咗一日，終於將我想講嘅寫咗出嚟！唔係想踩欣宜或者冇同情心，而係想講Don't be a crying baby！對自己嘅行為誠實D！鐘意自己多Ｄ！每個人都有唔同嘅不足、難處。唔好將自己嘅weak points無限放大而忽略自己長處！一個人有self confidence就自然會靚！一個人可以活得有幾開心係自己揀嘅，太在乎別人點樣睇自己就會冇咗自己！

 

 

 

Joyce 鄭欣宜 (Facebook原文)

由細到大， 肥 = 我
沒有自信，別人看我總是恥笑的，小至玩過山車，大至我的畢業典禮，大家都衹會關心我的身型，玩過山車？你坐唔坐到呀？安全帶扣到嗎？畢業了嗎？你要訂做畢業衣服嗎？有你尺碼嗎？
沒有人想知我玩得開心嗎？
沒有人想知我畢業成績好嗎？

我決定減肥！⋯⋯
去做世界上的普通人，
我不是死肥婆，不是終極豬扒
我的願望是做一個普通人，

體重真的減輕了，而果然我變了一個正常人
得到大家很多很多的讚美，擁有很多很多機會，為了這些，
我過著非人生活，
身體習慣了肥胖生活，任我怎吃藥，怎樣忍口，怎樣去運動，
胃痛依然都在，身體彷彿告訴我，我不夠飽，我吃得不夠，
胃痛的伙伴就是失眠
無數個夜晚都問自己
我就是這樣過日子嗎？

漫漫長夜，我開始上網留意別人對自己的評價
有讚美，當然有批評
人人都說，肥就是肥，做咩減呢？想扮索女，唔知醜，知唔知自己想點？
原來，可能肥就是一種罪，是一輩子都要承受的罪名，

旁邊沒有人幫助，最親的都走了
我墜入一個沒有快樂的世界，
衹有減肥，減肥，減肥，

我遺忘了人生最寶貴的東西，
就是健康，
有了健康，你可以做任何野
沒有健康，就什麼沒有

這時開始沉澱，思考自己的身心
思考自己應該如何面對自己
開始重組自己
開展健康的生活 不會再强逼自己，不會再漠視自己的心靈

擁有健康，就是擁有快樂
快樂是源於自己，不是別人
以前我怕媽媽不開心，怕她知道人家恥笑她的寶貝女，怕令她失禮，所以我每樣東西都花一百倍心機，就是這樣，我沒有想過自己

尋日我的身型再一次被關注了
換轉以前，我想我會崩潰，因為這樣會令媽媽不開心，會令關心我的人失望，但現在不同了，
我想告訴所有人，你要做回自己，令自己最快樂，要令自己最健康，

現在我開始展開我新的人生，
什麼都不會再擊倒我
因為我清楚了自己