愛是永不止息

愛是恆久忍耐、又有恩慈．愛是不嫉妒．愛是不自誇．不張狂．不作害羞的事．不求自己的益處．不輕易發怒．不計算人的惡．不喜歡不義．只喜歡真理．凡事包容．凡事相信．凡事盼望．凡事忍耐。愛是永不止息．

歌林多前書13:5-8

睇見Le段經文我第一個諗起嘅竟然係乖乖！愛是恆久忍耐、又有恩慈 . 不求自己的益處．不輕易發怒．不計算人的惡 . 凡事包容．凡事忍耐 . 愛是永不止息．面對乖乖，我肯定所有都做到！

但有兩件事我係做唔到的：愛是不嫉妒．愛是不自誇 . 我成日都好嫉妒 (actually 係羨慕多過嫉妒) 佢咁好命、日日都可以嘆世界，有咁多人錫，一世狗都可以不勞而獲！

至於不自誇我亦做唔到，我日日都强迫我D家人/同事/朋友聽我誇耀我個仔有幾靚仔，有幾聰明，有幾可愛！

From time to time 我會同乖乖講我好愛佢，叫佢千祈唔好咁早死，我會好傷心架！
但聖經話 應當一無掛慮，只要凡事藉著禱告、祈求，和感謝，將你們所要的告訴神。 腓立比書4：6
所以我告訴你們，凡你們禱告祈求的，無論是什麼，只要信是得著的，就必得著。馬可福音11：24
於是我成日捉住乖乖同我一齊祈禱叫天父賜佢健康，看顧保守佢。而天父真係有聽我的禱告，乖乖今年八歲，身體非常壯健，我只希望佢Le一世都可以繼續享福，活得精彩！

端午節要返工，喺Facebook見到D毛小孩個個都有好節目，有D去游龍舟水，有D去睇龍舟比賽，有Ｄ上咗山頂行大運，有D又去咗朋友仔屋企玩，總之節目豐富，不亦樂乎！心諗乖乖真慘，在家中無所事事悶足一日！
於是一放工跑去車站希望盡快返到屋企，好彩交通暢順，返到深井竟然未夠7點，個天仲未黑齊wor！立即換件tee着條短褲帶乖乖落沙灘玩一陣，都叫有返Ｄ補償吖！
為咗乖乖我真係好忙，但望見佢玩得咁開心，一切又好值得！

個天好靚呀！D相完全冇做手腳架！

Le D就係叫火燒雲？

新月已出

乖乖的笑，就係我最大的回報！