雞,蛋卷

今日整俾乖乖食嘅"雞，蛋卷"，同平時我哋自己食嗰種又甜又鬆化嘅雞蛋卷唔同。乖乖Le個版本真係有雞肉、有蛋之後再卷！
好耐之前我整過鯪魚卷俾自己食，個concept同雞，蛋卷一樣，同是煎一塊蛋皮，鋪一塊紫菜塗上鯪魚膠加入紅蘿蔔及芹菜條，卷上，隔水蒸十分鐘切件就OK！
早前喺Dr B個blog見到Catherine用龍脷柳加紅蘿蔔整咗個魚肉蛋卷俾Dr。由於乖乖唔食龍脷魚於是我決定整"雞，蛋卷"！
材料一見睇晒。(一隻雞蛋煎一塊蛋皮，Le盒免治雞肉做咗兩卷，南瓜&露筍先整熟，雞肉平均塗在蛋皮上再灑上香草再加入南瓜&露筍，卷上，隔水蒸十分鐘再切件) Le個"雞，蛋卷" 有營、樣靚又好味，大家快D整俾你個寶貝啦！