方便叻沙

我好鐘意食Laksa，但喺香港要揾到正宗又好味嘅Laksa唔容易，不過從今以後我就可以足不出户嘆到好好味嘅Singapore Laksa！ 

 自從見到有網友去完星加坡玩買咗Le包叻沙拉麵返嚟煮攪到我流哂口水！

後來有人話我知Sogo有得賣，拿拿聲飛身落去買啦，點知去咗N次都冇貨！只係買到同一牌子嘅Le隻咖喱麵 (不過一樣神級好味！Yes唔止好味而係非常、十分、超級好好好好味！)
                 
死心不息週圍去揾我嘅Laksa麵，"眾裏尋麵千百度"終於"皇天不負為食人"俾我喺一田揾到佢！開心到爆！Most important of all，一田仲要平過Sogo！(Sogo$24.9，一田減價$19.9)
可能你會話一包麵$20咁貴，但如果你試過...你一定會話物超所值！我夠膽講你喺香港D餐館揾唔到比佢更好食嘅叻沙(如果你知邊度有請慕必通知！)

Le個係非油炸麵，亦寫明不含MSG而且煮嘅方法有別於一般即食麵。Le包麵係先煮湯後加麵！煲滾水加入Laksa醬A再加調味粉B最後才加入麵餅煮7分鐘

加入自己喜歡嘅配料，今次有雞絲、魚片、蝦&銀芽(正宗叻沙要加埋豆腐卜&螄蚶)

一個麵的份量已經好大，我次次都飽到上心口！而且D麵食到尾都唔會淋哂，超强呀！$20真係抵俾架！

簡簡單單再整個涼伴青瓜。青瓜去皮切條，加鹽放入雪櫃醃一小時就會出好多水，用水沖走D鹽，試味，如果夠咸只須加上麻油及芝麻就可以食甪

 

好滿足嘅一餐！連乖乖都要上枱八卦一番就知正啦！