唔知大家打8號風球前有冇去超市諗住入下貨呢？天文台講到隻天兔十年難得一遇咁勁，我以為真係會橫風橫雨好幾日添！星期日未掛8號波前見冇乜雨拿拿聲走去超市諗住補下個糧倉啦，仲俾獅子王笑我同D C9搶貨！點知去到冰鮮雞冇哂，菜架空哂 (salad菜除外)，豆腐賣哂，吓？連麵包都俾人掃哂？OMG！E家打風啫唔係打杖wor！使唔使咁誇張呀？
結果我只係買到嚿梅頭豬肉，用咗嚟煲皮旦瘦肉粥做星期一早餐(買唔到麵包咪食粥lor)，冇菜賣咪買咗D菇菇用嚟整咗下面Le個好味齋餸lor！
上次去裕華，一次過買咗好多台灣急凍素食，今日就試下Le欵如意雞卷(一包有兩條)加D本菇&麵筋就可以煮碟正齋
用咗一條雞卷切片，用平底鑊煎至金黃伴碟
見到一包本菇好似好少咁，即刻又加多罐草菇
先炒本菇&草菇，調味灒酒，最後加入麵筋炒勻即成
Le包素雞卷味道和口感俱佳！推介！
天文台講到個風咁勁，仲以為有半日放假，點知.....
回覆刪除Haha空歡喜一場！
刪除唉，我都覺得d人洗唔洗咁誇^..^
回覆刪除如果打扙唔知點呢？Hahaha
刪除其實香港真係福地.. 哩隻天兔去到大陸都有20幾人死..
回覆刪除香港的確福地但大陸亦太多豆腐榨工程
刪除That's right. We, Hongkongers, are blessed. I love Hong Kong.
回覆刪除haha I love the old HK！Too many mainlanders nowadays
刪除整得咁靚, 引死人咩!等我又去裕華望望先^^
回覆刪除haha presentation 靚D食得開心D
刪除呢隻牌子嘅罐頭幾好...也有辣醬和肉燥...都好好味^^
回覆刪除等我下次入下貨先
刪除飯友隻罐頭笋都好好食架
回覆刪除Yeah我都有買呀！
刪除天文台個個風話勁嫁啦. 勁極咪又係唔夠力場勁~
回覆刪除wakaka yes 一山還有一山高！李超人萬歲！
刪除i am surprised you don't bake your own bread during typhoon days :)
回覆刪除Hahaha I am very lazy didn't do any baking lately
刪除依家興咩到搶一餐呀！呢碟煮得好好味咁呢！
回覆刪除hahaha yes 最記得盲搶鹽！多謝讚賞呀
刪除打風啫, 都唔係打仗, d 人搞到搶貨十分嚇死人囉 X..X
回覆刪除Hahaha我唔夠班C9搶呀！
刪除He.. He.. 我屋企從來都唔擔心無嘢食, 我啞媽係個鍾意常滿嘅人! 屋企糧餉可以食三個月呢! (*^_^*) 所以打乜風都唔洗驚! 哈! 哈! (¯▽¯)
回覆刪除我個雪櫃都常滿架！不過諗住打風入D菜咋
刪除星期日朝早Albert去街市，佢話想入街市都入唔到，塞滿人。
回覆刪除haha佢實唔夠班C9勁啦！好彩Le個風只係打咗一陣
刪除平日我去開果間超市鬼影都唔多隻,果日都要排隊
回覆刪除我嗰度要排隊兼冇貨賣呀!
刪除