麥麥奇脆多

唔知大家仲記唔記得小蕾生日Party我哋大伙人食咗一樣叫竹炭奇脆多呢？Cafe老板當時十分慷慨分享咗Le個小食嘅做法。餐廳用竹炭麵包，塗上蝦膠加上奇妙醬，再用春卷皮包住去炸！

Le個就係當日大家非常有興趣又話好味嘅竹炭奇脆多喇！

我最鐘意做copy cat，攞咗個秘方當然照板煮碗啦！由於我家附近嘅supermarket冇竹炭麵包賣唯有買麥包代替，整個A貨麥麥奇脆多啦！

                                             

                             塗上蝦膠後我再灑上芝麻令個奇脆多更香

  由於我唔想炸而改用焗嘅方式，所以我先將塗有蝦膠那面先煎熟，咁只要焗到個春卷皮金黃色就OK，唔怕D蝦膠唔熟

                 其實只要煎埋另一面，Le個已經係一片好味嘅蝦多士

 

                        不過今日我要試做奇脆多所以要再塗上奇妙醬

Le塊春卷皮係包唔晒塊麵包嘅不過唔緊要，包靚個面就OK

Aiya！原來塗咗奇妙醬嘅地方係焗唔上色架！(下次畫個心型先hehe)

 

雖然個色始終係炸嘅靚好多但用焗嘅方法可以食少D油，而且都好脆架！

麥麥奇脆多雖然冇原裝版咁靚仔 (下次塗少D沙律醬咁金黃部份應該多D)，但都好有內涵，好好味架！

            開得焗爐當然唔少得乖乖嗰份啦！又整咗香草芝士牛肉卷

好認真地check貨！

合格！開動！

                                                  笑得咁開心即係好味啦！Hahaha！