中秋節食月餅

今晚係迎月夜在此祝各位中秋節快樂，人月兩團圓！
自上年學人亞茂整月餅俾乖乖唔成功後，今年完全冇mood再整，好彩卡卡Mammy為一眾毛小孩精心製作咗愛心月餅，乖乖不至冇月餅應節！

昨晚已食咗一個，今日俾大家欣賞下個月餅賣相幾咁了得，同出面買的完全冇分別架！勁！



材料用咗蕃薯&南瓜，切開咗個樣好似奶黃月餅呀！




用多士焗爐返叮，一焗熱咗好香架！




大時大節當然唔止食"月餅"咁齋啦，加咗D香草牛"月展"就係乖乖嘅美味晚餐。

 

 

 

 

 

 

而以下Le個就係 好多人趨之若騖，又話要排隊又話炒到幾百蚊盒嘅"半路月餅"，到底係咪真係咁正？揾乖乖測試下先！

 

 

 切開係咪同卡卡Mammy整嘅狗狗月餅D似呢？

 

 大家唔使驚，我只係俾咗少少皮俾乖乖試咋！

 

乖少好Like呀！仲sit好扮哂乖 (每次有要求佢就會sit好等領賞)

 

 

其實每年中秋，公司D月餅多到可以開舖頭！連話炒到幾百蚊盒嘅"半路月餅"都鬼咁多！攪到大家差D想攞哂上網拍賣！
除咗"半路"，各大酒店、傅統月餅連所店、雪榚月餅、連所咖啡店出嘅咖啡月餅、高級酒家嘅月餅、冰皮月餅、名牌朱古力店出嘅朱古力月餅you name it we got it！ (Arr...除咗冇收過榴槤月餅, 偏偏我最想試Le種haha)真係見到月餅都怕！
唔好話我E家唔可以食太多甜嘢唔食得，就算食得、我只係prefer食奶黃月餅，不過"半路"嘅奶黃月餅真係越嚟越唔好食！反而我覺得香格里拉出嘅奶黄月仲好味！