記得我哋第一次邂逅係2008年9月,同你一齊5年的日子,開心總比唔開心多。當我一心以為我哋越嚟越夾,但日前喺毫無心準備之下你竟然提出分手!!
事前連一點徵兆都冇!我哋冇閙過交,我每日又花上數小時同你陪養感情,將所有嘅心底話都同你分享!我親手做嘅美食,我嘅歡樂時光,永遠都第一時間同你分享!我對你咁好,你仲要提出分手?你到底想我點?有冇顧下我嘅感受?
你用冷冰冰嘅文字話俾全世界知12日26號就要終止我哋Le段5年嘅關係!
5年,人生有幾多個5年!?點解我投入咗咁多,你仲要咁樣對我?點解你可以話走就走?你寫嗰D咩歷史性任務要不捨的劃上句號,我一D唔Buy!既然不捨,咁點解又要劃上句號?同你開始咗,我就諗住跟你一世!如果你一早同我坦白你只係當Le個係一個任務,我根本唔會同你開始!
最過份係你8月30號先同我講分手但想我9月2號就開始搬,天大地大你叫我一個女人仔搬去邊?話哂我有1607箱行李 (Blogs)我一個人點搬?從開始認識你就已經話咗我係電腦白痴,點解你仲要迫我?點解你要選擇Boxing Day Le個普天同慶去結束我同你嘅關係?可見你是何等涼薄!
既然你執意分手, 我也不能死纏爛打!此處不留人,自有留人處!
放長雙眼,我一定活得更精彩!活得比你好!
正所謂好嚟好去,送首歌俾你聽!
http://www.youtube.com/watch?v=ADbuIEN7fG4
沒有留言:
張貼留言