我的笑口棗

乖乖真係好鬼多表情！做戲分分鐘有機會攞影帝！Hahaha
日前咬爛我對雨鞋佢知道自己做咗袞嘢個樣真係慘過"梁天來"！
講個秘密俾大家知吖，其實佢咬爛我對鞋我冇打過佢，冇大聲閙過佢，剩係拎住隻爛鞋同佢講：乖乖係bad boy！咬爛Mammy對鞋！MammyE家唔開心呀！當佢走嚟想我黐住我坐，我坐開D唔俾佢掂住，同佢講我好嬲呀！佢個樣真係想喊架！(而我望見佢個樣我好想笑！)所以當佢走嚟想"lam"我，我又整蠱佢，特登避開唔俾佢錫，仲同佢講話Mammy唔錫你喇！你走開呀！Wow佢個樣就變成sad爆！我覺得佢真係識聽我講乜架！所以好似大家話齋，睇見佢個慘樣真係嬲唔落架！(其實...我真係冇嬲過佢，名乎其實縱子行兇Hahaha！)


其實乖乖本性係開心baby，好鍾意笑，所以佢個樣真係呃得下人架！
正所謂笑騎騎，放毒蛇嘅最佳代表！
喺自己地頭佢係惡霸嚟架，一唔順超就吠爆你！但出到外面又變做門口狗wor！




星期日又同佢落深井食飯，去到食店D伙記個個都話佢個樣好乖，我話：佢唔曳嗰時真係好乖架！hahaha 笑死班伙記！




食飯前乖乖當然有小食啦，如果唔係我哋又點會有安樂茶飯食呀？





我個仔全晚真係笑不攏嘴，真係望見佢都開心！



雖然深井出名燒鵝但作為當地居民我哋其實好少食鵝架，通常有客到先會order hehe

是日食避風塘小炒


腰果炒牛柳粒



檸檬蒸烏頭係我"飛佛"



食完飯同乖乖去碼頭散下步



笑一笑世界更美妙！雖然佢個sad樣好好笑，但我都係prefer 佢笑樣多D！