秋季大旅行@Lamma (下)

 熟識我嘅朋友都知道早過10:30am嘅節目唔好預我。點解？你睇下乖乖木口木面個樣你就知道！

睇下我個仔，直頭瞓着咁欵！佢Le個眼瞓樣exactly同上年我哋係度食早餐時一模一樣架！

 

平時我哋食早餐乖乖點都要shareD，但佢今日攰到咩都唔食呀！

                               
     我哋食飽佢先回魂，開始有返D表情！
 

 

 

 
 
 

之後就同佢去沙灘玩下

 

             

 

 
    Wow！Le D係咪叫開心到飛起呀？
 
 
 
 

 

      喂！要識做先得架， 快D俾個Birthday Kiss我先啦！Ha?唔俾面？係咪想die？

 
 
 
 
 

 

      時間尚早個沙灘冇乜人，本來乖乖可以好free咁任跑，點知...

   忽然有人開咪用兩文三語話請勿攜帶寵物及狗隻進入沙灘範圉！死人康文署趕盡殺絕！？Le度鬼影都唔多個都唔俾乖乖嚟玩？有冇攪錯！？

車！好叻咩？我屋企樓下夠有沙灘啦，此地不留人，影返幾張自拍照就閃！
  
 
返去酒店房梳洗下，休息下一陣check out。
 
我哋住嘅Garden Room有自己一個小小sitting out area架

OK準備起程

 

乖乖個樣好似唔捨得走咁欵wor

夠鍾check out喇 

                         

星期五比起星期四我哋入嚟時熱咗又曬咗，好彩早一日嚟行山公公婆婆冇行得咁辛苦

 

 
 
 
 
 
 

天色好到不得了！

 
        Le度係一大片薑花田，好香呀！
 
 
 

 Le種花係市區好少見，但南丫島就好多，我覺佢好似燈籠，好靚呀

 

Le間就係昨晚我哋買外賣嘅Lamma Grill，由三個外國人主理，所以唔係豉油西餐嚟架

                         
本來想幫襯Le間社企買個有我個名嘅環保袋，點知個袋剩係個套有名個袋冇架！所以冇買Lu！不過原來我個名係Loving & Hardworking。Arrr..Loving yes but Hardworking...not too sure about that！Hahaha！
 

上次嚟南丫島試咗島上名店"書蟲"食鬼佬齋，presentation靚但不太係我杯茶，今日揀咗食印度菜

  
     Hehe 我哋又包場
 
 
Le杯走糖嘅Mango Lassi超好味，連獅子王都讚！個Masala Peperdom又香脆

Le間餐廳本來個Menu冇Fish Korma只得Prawn Korma，但個大厨又肯時別做，開心！個Korma汁真係好香滑，正！仲有Keema Nann都好食，熱辣辣又有粉香

 

比較失色嘅係Le個Tandoori Chicken個雞燒得比較乾唔夠juicy，no good！ 

 
再買埋D南丫島手信，就搭船返中環Lu。睇見乖乖咁開心就知佢滿意Le個兩日一夜嘅旅程啦！佢開心我就開心架喇！

今次嘅南丫島之旅發現强國人真係無處不在！有70%旅客都係講"煲冬瓜"架！勁！

再見喇南丫島！後會有期！