鬼佬牛腩麵

介紹完清湯腩不如整返個鬼佬版你嘆啦！
鬼佬炆牛腩蕃茄洋葱當然係主打啦！如果冇時間去街市買新鮮坑腩Le包係大昌買嘅美國急凍牛腩OK架！但如買急凍貨，記得唔好貪平買巴西牛腩，D味差好遠架！

 

 先爆牛腩及洋葱，加上黑胡椒及灒酒炒香

要個牛腩色靚就一定要加茄膏，單單用茄汁&新鮮蕃茄一定唔夠靚仔架！我用咗半罐茄膏，另一半放在冰格下次用。加入茄膏、新鮮蕃茄、加水 (當然你亦可加紅酒啦)、加兩片香葉、再加冰糖就開始炆(唔好落鹽住呀，一定要最後加，加咗D牛腩冇咁易淋架！)

                                    
唔好講笑，Le鑊牛腩香到暈！三色意粉煮熟備用

 

炆好最後加埋三色椒又開餐！

 Le個就係我嘅鬼佬牛腩麵喇！你Like中式定西式呢？睇返近期嘅快樂廚房先發覺我成日煮麵，屋企好似冇乜飯開咁hahaha！其實我好Like食飯架！