清湯牛腩米

食牛腩我鐘意食清湯腩多過柱候牛腩，所以九記、大利、新仙，我都成日幫襯。不過其實要自己整個"快餐版"都唔太難！

Le隻牛肋條就係平時去食店食嘅坑腩部份。由於我做Le個係快餐版，我當然唔會去街市買幾斤新鮮牛脊骨返嚟去餚湯煮牛腩啦，今日就用咗盒裝豬骨湯嚟煮。食牛腩當然要有白蘿蔔啦

 先將豬骨湯加入香葉、花椒、八角 &數粒蒜頭煲滾 (我一D水都冇加亦冇加鹽)

 加入牛腩、適量米酒、胡椒粉及一小片冰糖煲10分鐘再放入真空煲

一小時後拿起牛腩

                                     
放入白蘿蔔煮滾

放入牛腩後再放回真空煲繼續炆蘿蔔及牛腩至合適軟硬

 米粉煮熟，放上蘿蔔牛腩再淋上煮牛腩清湯即成！嗰啖湯真係超甜呀！

 

 預告：明日介紹鬼佬牛腩麵！