初嚐千鍋居

好耐以前一直想去這間位於佐敦的人氣食店，但唔知點解又一直冇take action。昨晚終於滿足咗我對它的好奇！

  從網上食評睇到每位食客都對它的粉葛鯪魚湯都讚不絕口，我當然要一試虛實啦！Le個湯的確火候和材料十足！濃甜到不得了！個人口味而言如果可以再多放一些果皮會更吸引，但這個老火湯已經非常出色！
   
睇下幾多湯料，碗湯有乜可能唔甜吖！除咗鯪魚、粉葛和豬肉外，仲有豬脷&豬粉腸呀！超正！

 

 

另一味人氣小菜係蜆蒸水蛋。從小我就超鐘意食蒸水蛋，Le個水蛋蒸得非常滑，個豉油亦調得非常好味！唯一要彈係D蜆略嫌薄肉亦未夠鮮，如果可以用上花甲效果定必更佳！

 

 Le煲九製豬手亦是這間餐館人氣之物！豬手炆得十分淋滑，值得表揚嘅係每嚿豬手都十分清潔，去毛的功夫做得十分認真 (出街食飯太多bad experiece，成日見到D豬手成手毛 eeee！)但個人口味而言這味餸無須落咁多糖，Le個甜味太重！

 

 

 Le個粗齋，材料豐富，味到亦佳

  點解order碟魚骨？Hahaha Le個係part of 白鰂煲仔飯嘅魚
師父已細心將部份魚肉起骨混入煲仔飯中   

Waitress上飯時更細心提醒小心碎骨，但幹掉一碗都冇骨呀！正！

對千鍋居印象十分良好，食物有水準，價錢OK，環境清潔乾淨，侍應生服務亦佳！是近期比較滿意嘅新食店，絕對可以encore！

臨走前見到Le個笑佛，同佢影返張合照先

 

友人話我笑得好似個笑佛wor hahahaha！