新鱷魚先生

如果你年紀有返咁上下一定睇過Crocodile Dundee Le套80年代經典戲。今日就等乖乖做男主角示範點樣同條大鱷魚赤身肉博啦！





由於時間關係鏡頭一轉，條大鱷已經去咗皮，變成兩塊南非鱷魚扒！

加咗豬骨、紅蘿蔔、響螺片 &花膠

再加薑、陳皮、無花果、南北杏

凍水落哂所有材料，用真空煲煲數小時

我就有一碗超甜，好味又有益嘅湯飲

 而出咗咁多力殺咗條鱷魚嘅乖乖當然有得食鱷魚肉啦！(乖乖唔like飲湯架)

Wow睇下D軟骨！咁多骨膠原，一定好補啫！所以乖乖唔使食葡萄糖胺or軟骨素架！

Le碟嘢真係好香，乖乖心急到不停吠我叫我快D俾佢食！

D肉其實好似雞肉

吓？又食剩D紅蘿蔔？

其實乖乖今次有鱷魚肉食係要多謝茶包！話說有次同茶包傾電話，佢話上網見到鱷魚肉好有益問我夠唔夠膽俾乖乖食？Hahaha做乜唔夠膽呀？
加上最近轉天氣我有幾聲咳一於煲下鱷魚肉湯啦！售貨員提醒我千祈唔好用雞煲，一定要用豬肉wor，佢仲教我加埋花膠就會潤肺，如果咳得勁就再加海底椰&川貝母一齊煲就OK！
提大家一句，買鱷魚肉要去D信得過的商店買，因為報章話最近有不法商人用澳洲巨型蜥蜴肉扮鱷魚肉呀！

網上資料
根據《本草綱目》有關鱷魚肉的記載，「肉至補益，主治呼吸，足不立地，濕氣邪氣，諸它腹內，症痦惡瘡」。古人對鱷魚與治療哮喘、咳嗽、風濕、身體虛損、心腹諸病及惡瘡腫瘤等方面已經有深入及全面的理解。
鱷魚肉營養豐富，有大量的蛋白質和人體必需的氨基酸、不飽和脂肪酸、維生素和多種微量元素，但脂肪含量少。鱷魚體內的一種優化核酸，常食可補氣血、壯筋骨、驅濕邪，對咳嗽、哮喘、風濕、貧血、糖尿病等有較好的輔助功效。
鱷魚肉的骨膠原含量高，能護膚養顏作用，使皮膚增加彈性，減少和延緩皺紋早現。