韓式壽司

食壽司大部份人都會諗起日式壽司，我亦唔例外。直至最近睇見小花媽 (Kitchen Plus)整韓式壽司我才知道原來韓式同日式壽司最大分別係前者嘅壽司飯係用麻油去撈instead of 壽司醋！
睇完小花媽嘅post一直心癢癢，一於趁放假玩下先！
去Supermarket買pack韓國紫菜就開工

餡料隨自己喜愛，我用咗牛內、韓國泡菜、雞蛋及青瓜 (下次加埋冬菇先)

我冇特登去買日本米整壽司飯，只係用我食開嘅泰國絲苗米煲好飯，放涼後加入麻油及小許鹽調味

                           
                                將所有食材鋪好在飯面就可以卷
                           
    雖有云工欲善其事必先利其器，但我家連壽司蓆都冇，就咁用手卷埋就算，幾鬼求其haha
                           
                           
                                切開色彩繽紛睇見都開心！
                           
Le個韓式壽司啱晒D唔鐘意食魚生嘅朋友或忽然抽起條筋想食壽司但又唔想落街買魚生嘅人！因為卷物內嘅餡料真係可以有乜卷乜，超方便！
                
       再加D泡菜伴食連豉油都唔使！簡簡單單又一餐，多謝小花媽好介紹

 

 
                            夜晚獅子王request佢嗰卷要加上肉鬆
                        
                            Wow！好似真係再正D wor！果然識食！