吹呀吹，讓這風吹

屋企D廚刀好鈍，想用佢哋嚟自殺都唔得！昨日去吉豬島，走去孖人牌counter睇下，有兩set廚刀做緊promotion，一set係菜刀+生果刀，另一set係切肉刀+廚剪。Um...Le兩個combinations唔多啱我...單買又唔抵，咁就move on去睇其他刀啦。其實我想買把利D嘅切肉刀，切肉整風乾，行行下俾我發現咗Le把唔知乜牌但係全把係不銹鋼刀，個樣好似好堅咁，再睇下個價錢...$29.9？唔係掛？平成咁？打錯價錢？唔理咁多，就算把刀唔利，衰哂都$29.9，一於買咗先算！(hahaha 又嚟 C9性格) 好彩，此刀不負眾望，雖未至削鐵如泥，但卻是一把物超所值的好刀！

 今week又啦風風風，吉豬島見到Le隻紐西蘭鹿腩做promotion$79.9/磅就買嚟俾乖少做風乾肉啦。 泰國毛茄話可降血糖，仲大減價賣$5.9/包當然要入貨風D俾自己食啦！

再加埋少少鱷魚肉就開機風風風！

Le pack鹿腩碎濕濕，D肉又irregular shape好難切得靚仔！@-@

                           

 毛茄去頭，再一開二，足足放滿兩個trays

10.5小時之後...Ha？得返咁少？？？唔係掛？不過Le隻滑"san san"嘅毛茄風完之後變咗脆身，帶點草青及甜味，一D都唔難食

 鱷魚乾又得返少少

鹿肉乾好濃肉香呀！我都食咗2片

                            

 Le盒全部都係乖少嘅

 Le包就係我嘅..."藥"