往事只能回味

想當年永遠都係最好的！小時候公公婆婆成日帶我週圍食嘢，佐敦嘅太平館係公公其中一間"飛佛"餐廳。每次去太平館公公都會order燒乳鴿，煙魚沙律，羅宋湯。當年食得我津津有味！

好耐好耐冇嚟幫襯Le間豉油西餐廳，但每次路過都見到有人排隊等位，久不久電視/雜誌又會介紹下它的食品，上星期五終於的起心肝去一次想尋回兒時味道。在街上罰企咗25分鐘終於等到位 。內部裝修甚至伙記的制服都同我記憶中一模一樣，幾十年不變！

 獅子王order嘅紅酒牛三寶餐，個羅宋湯唔記得影但一D都唔好飲，得個甜字，料又少，No good！ Le個牛三寶，先唔好講味道單單個presentation都唔掂啦！裏面嘅牛扒....只能有一個字來形容....唉！D牛脷好似煲完湯拎出嚟淋D汁就上碟，Texture淋到唔知似乜，又冇文冇味！最攪笑係明明話三寶，餐牌上寫有牛尾，但就一嚿都冇囉！

                                      

我order乳鴿餐，餐湯係燕窩雞蓉湯，Le個白湯唯一好處係非常夠熱。我只能話好飲過羅宋湯但絕不能稱之為好飲！

Once again點解個presentation可以咁肉酸架？今時今日咁樣亂七八槽都夠膽拎出嚟serve客，好嘢！ 

Le個白汁海鮮焗飯，真的令我失望至極！焗飯竟然可以唔熱？難度真係9.9分wor！！嗰pet白汁D味仲差過大X樂！

                                        
單尾嘅甜品簡正令我Wow一聲！時光倒流呀！奶油蛋榚真係幾十年冇食過，不過as expected一D都唔好食！件cake又嚡又乾！唉！
仲有杯餐茶，我哋兩個都叫咗熱咖啡，結果兩個都只係飲咗半杯就放棄！埋單多謝$490，本來想用一張大牛買一個美好嘅童年回憶，結果買咗一個教訓！
我同獅子王講往事只能回味！未來20年我都唔會回來幫襯！我話點解以前好好食嘅餐廳E家可以咁難食嘅？獅子王話因人越大食過嘅好嘢就越多，要求自然又有所不同。
                                        
最近出街食成日都唔滿意，咁weekend就自己煮啦！買咗兩塊美國扒

簡單整個油醋沙律

加埋個焗芝士mashed potato在家一樣食得開心，我夠膽講我Le餐正過太平館！仲平過佢！

 

              乖乖都一樣有美國牛扒食呀，仲有薯仔波

             有人食完自己嗰份仲想食埋我嗰份呀！

睇下乖乖個樣就知我碟牛扒有幾正啦！