是蟲是龍？

在家一條蟲，落街一條龍的最佳"人"版！

新春出城行大運

自從有乖乖去少咗好多油尖旺，年初三帶個鄉下仔出去見下世面，行下D旅客熱門景點！影D到此一遊相
                          

 D哥哥好熱情，不過乖乖唔多受落

 

狗狗新春賀年菜(四)

上海人新年一定會食春卷，因為炸好嘅春卷金金黃黃好似一條條金條咁，好意頭！
整狗狗春卷當然唔可以炸而改用焗啦！餡料用咗雞肉南瓜cottage cheese，(可隨意按自己狗狗喜愛嘅食材改變。
祝大家羊年金條滿屋！

 包好春卷形後用175度火先焗10分鐘

 掃上蛋黄汁再放回焗爐多焗10分鐘

乖乖一次過食咗三條，仲想添食呀

 

狗狗新春賀年菜 (三)

今次介紹的賀年菜靈感來自一味潮州名菜 -- 石榴雞。正宗石榴雞嘅皮係用蛋白，但新春菜金金黃黃會靚D，於是我用咗全蛋。一於叫Le個餸做"袋袋黃金包"啦！
有D師傅教人加D粟粉落蛋液令個皮硬D，蛋皮冇咁易破，但正宗潮州師傅教路用鴨蛋，因為鴨蛋比雞蛋黏性强，唔使加粉都得，咁我當然選用鴨蛋啦！
至於餡料，自己鍾意用乜都得。今年係羊年，乖乖又鐘意食，賀年菜一於用羊肉啦！是日加上印尼蜜糖蕃薯&風乾用剩咗嘅紅蘿蔔，菠菜炒熟做成餡。
                           

先將餡料炒香

放涼

煎蛋皮

用二隻鴨蛋我煎咗七塊蛋皮

本來想用返菠菜條莖嚟做索繩但太短好難打結，最後用咗芹菜。
高檔的潮州菜館嘅石榴雞的頂部係用蟹黃，次等的菜館會用蟹籽，毛孩version就用咗紅蘿蔔，Le個餸可以得閒時做定放雪櫃，食時再蒸熱就OK！

 

 

 

 

 

 

狗狗賀年食譜(二)

年年有餘個個大人都想，但Le個"年年有魚"，我相信好多毛孩都會鐘意食！
                            
在網上見到一個用南瓜做嘅賀年榚點，食譜有人用三文魚、龍脷魚、比目魚等做餡，名乎其實嘅"年年有魚"可惜乖乖對魚非常揀擇，以上三種魚佢都唔食，我又冇特登出街買佢食嘅魚一於就地取材用雞柳&狗芝士做餡，而原本嘅食譜用嘅水，我用自家製(無鹽)雞湯代替令味道更豐富。加上杞子做魚眼令做型更出。
製作Le個狗狗賀年菜唔太難，唯一係脫模比較考功夫 (你都睇到外型不太perfect, unless你用矽膠模) 所以塑膠榚模要搽多少少油呀！
食材份量及做法我係參照Joyce Yung 個blog做，在此不再重覆
http://joycemiaka.blogspot.hk/2015/01/blog-post_29.html

 自家煲無鹽雞湯

 南瓜蒸熟打成蓉

兩色粉漿

 第一次做脫模唔靚，下次會更好

蒸咗出嚟嘅"魚"乖乖大愛呀！好快KO咗一條喇！