大澳風味餐(住家版)

Le個喺我哋去大澳食嘅籠仔蒸飯，各位坐上客都讚不絕口，我當然又誇下海口話我識整啦！

唔係得個講字架，真係有付諸行動落手落腳整！係大澳買咗淡口蝦膏，再喺流浮山買咗魚仔乾

今日我唔係蒸飯，而係整碟蒸餸。材料有粉絲、豆卜、蝦米、小瑤柱同埋美國白豚肉

粉絲浸軟放底，豆卜一開二(易吸味)再加入洗淨嘅蝦米及小瑤柱

白豚肉用蝦膏、紹酒、胡椒粉、糖及爆香的蒜粒撈勻 (下次我會用蒜同蝦膏一齊炒香先撈豚肉會再香D)

最後將豚肉及魚乾放面

蒸熟後加上甜豉油及麻油即成！easy right？唔使去大澳都一樣食得到！