兒童節大餐

4月4號兒童節當然要為乖少準備兒童節大餐等佢happy下啦！一放工就拿拿聲去買齊材料返屋企再開工^o<
昨日為乖乖整佢最Like嘅羊肉批。主材料有免治羊肉、甘筍、麵粉、雞蛋，為了增添香味我亦加了一瓣蒜頭(有說是天然驅蝨良品)和少許新鮮薄荷葉

麵粉先篩過加入蛋黃(可落全蛋，但昨晚我要用蛋白作另一味菜，所以留起)

為求令這個批皮味道更佳，所有水份我用Pet Milk代替。弄成一個唔沾手的粉團就OK

 

粉團分成等份，展開成薄皮放入錫紙兜

 

皮面要用义剌些小洞排氣就可以放入焗爐焗熟就OK

焗批皮期間就處理餡料：甘筍刨絲，蒜頭&薄荷葉切碎                      
用蒜蓉炒香羊肉
                
炒至半熟加入甘筍絲，(我亦加了少許乾的rosemary)最後加入薄荷葉就關火
                           
由於乖乖同我一樣鐘意多餸，所以我Le個羊肉批特登只做批底而唔做批面(其實得一面應該叫tart而唔係pie？)焗熟tart皮後，食時放上餡料就OK

 

乖少食乜都要驗貨

 

索得清清楚楚先開動

唔係賣花讚花香，Le個羊肉tart真係好香！

連奄尖乖少都食唔停

睇見佢食得咁enjoy，抵我放工仲花咁多精神整好嘢佢食！Most important of all，乖乖食嘢真係會慢慢嘆而唔會狼吞虎嚥，食而不知其味架！

 

Yeah！俾足面清碟！

有個小朋友食完兩個羊肉tart跳上嚟我大髀錫咗我兩啖！嗰一刻真係覺得乖乖好叻仔，識得show appreciation！我知道佢應該好滿意Le一餐！

同場加影，我"偷"咗乖乖隻蛋白做瑤柱蛋白义燒炒飯呀！

 只係用咗3片义燒，一隻蛋白，少許乾瑤柱、就炒到一碗在酒樓賣你幾十蚊嘅炒飯