大澳風味餐(住家版)

Le個喺我哋去大澳食嘅籠仔蒸飯，各位坐上客都讚不絕口，我當然又誇下海口話我識整啦！

唔係得個講字架，真係有付諸行動落手落腳整！係大澳買咗淡口蝦膏，再喺流浮山買咗魚仔乾

今日我唔係蒸飯，而係整碟蒸餸。材料有粉絲、豆卜、蝦米、小瑤柱同埋美國白豚肉

2014下水禮

星期日晚仍然有family gathering，所以食完lunch就"拿拿聲"帶乖乖出去玩下。
Arr...去邊度好呢？28度又有太陽一於落沙灘嚟個2014下水禮啦！
一整個冬天冇落去典過沙，乖乖當然第一時間典返夠本啦！

睇見佢就好笑！

歡聚流浮山

好耐冇去流浮山食海鮮, 趁我二姨同姨丈從西雅圖回港探親請屋企人去食返餐海鮮宴先
這條大街幾十年不變，時光好似停頓咗
                                                                                                            
                              人人讚賞嘅豉油王海中蝦

睇下D蝦膏！

珍惜眼前人

喺FB見到有一位毛小孩病重，訪尋中西醫治理病情，要用氧氣幫助呼吸，用針筒餵食。主人明顯對牠愛護有加，雖然病重但每日在FB見牠毛髮梳理整齊，非常乾淨。上星期佢主人話佢瘦到皮包骨，行都行唔穩。昨日下午主人話佢唔肯食嘢，到晚上終於見到一個我最唔想見到嘅消息...Le位15歲嘅小毛孩離開咗我哋。我嘅眼淚像缺堤一樣流出來，內心難過到不得了。但佢Mammy的心理質素好强，睇下以下訃文你就會知。

"各位 EE， 督督，姐姐，哥哥，我帶著滿滿的愛及你們的祝福，出發往彩虹橋喇！唔使唔捨得禾架！媽咪話，所有寵兒係果度會重得健康、活力，唔再有痛痛，唔使打針食藥.......Yeah! Bye bye! "

雖然我知道人人都會死，亦經歷過寵物離世，當然亦想像過一百次如果乖乖死咗我會點！但我知道要我面對時一定做唔到咁豁達。(在寫這blog時我仍為毛小孩哭腫了眼)

要記住毛小孩壽命有限，一定要在短短十數載俾好多好多愛佢哋，唔好令自己將來有所遺憾！

好鐘意"I'll see you again"的歌詞

 

You're gone now, gone but not forgotten
I can't say this to your face
But I know you hear

I'll see you again
You never really left
I feel you walk beside me
I know I'll see you again

When I'm lost, when I'm missing you like crazy
I tell myself I'm so blessed
To have had you in my life

 

就算乖乖未必識聽，我每日都同佢講好多次我好錫佢，好愛佢，佢係最好的！如果我識傳心術我好想乖乖知道Le個世界有人好愛好愛佢！

大家要好好珍惜眼前Le個只能跟你一齊生活十多年的毛小孩，我哋就係佢嘅全世界，係我哋揀同佢一齊生活，佢冇從選擇！我哋對佢有幾好就決定佢這生的命運，佢無力改變！

 

最後，祝Bibe在彩虹橋活得精彩，你有一個好堅强又好愛你的媽媽，你的一生都被愛，非常幸福！You will never be forgotten！
 

復活Lantau一日遊

自己乘坐公共交通公具去大嶼山環島遊唔太難 (不過煩)，但如果要帶埋一班毛小孩去就好艱難！好彩我哋星期日參加咗一個由奶茶旅行社舉辦嘅"復活Lantau一日遊" 。Le個local tour唔係一般旅行團而係一個超級VIP團，係by invitation only架！唔單止限人數、坐歐洲名車、每位毛孩都有專屬亞四服侍、小食茶水無限量供應、唔想行有轎夫抬、見到陀地狗仲又有"body guard"抱住保護！仲一次過去晒大佛，心經簡林同大澳虎山睇日落！最後嘆埋個Dinner先返歸，Le個開心tour由天光玩到天黑先返屋企，Happy指數爆哂燈！唔好講咁多，去片！

一到埗指定動作當然係影大合照啦

要係五位俊男當中特圍搶鏡？睇下乖乖示範啦hahaha！

心曠神怡TKO

Believe it or not 我一世女從未去過將軍澳！今日同乖乖一齊做咗一次大鄉里，去咗被李超人形容為"心曠神怡"的將軍澳堆田區！
To be fair 去到又真係一片綠色兼冇臭味wor！
 

山長水遠走去將軍澳做乜？當然係為咗兩位大少爺啦！

 茶包今日做領隊，帶我哋去環保大道狗公園。Le度真係堆田堆出嚟架！

知足常樂

以前讀小學，學校有書法堂，跟住D字貼練字，其中有一欵字貼印象時別深刻："知足常樂，能忍自安"。Le八個字令我終生受用。
乖乖雖然冇讀過書但佢一定深明知足常樂的道理！只要帶佢去屋企附近行下，就算每日repeatedly都係行同一些路徑，他仍是快樂的！
記得乖乖初來我家，他的前主人同我講乖乖有一顆仁慈的心，當時我心諗，有冇咁誇張呀？後來我終於體會到這句讚美係真架！
我哋住嘅社區有好多流浪貓，乖乖對牠們從不追逐，甚至我去餵飼牠們乖乖亦從不打擾。當一眾狗狗歡聚時，有美食分享，乖乖亦唔介意我先餵其他狗狗，從無爭先恐後。有很多狗友亦會問我奶茶咁黐我，乖乖會唔會呷奶茶醋，事實上乖乖係會讓奶茶架！
我真的好幸運有一隻好知足的狗，只想佢一生都常樂！

憑歌寄意

習慣每晚都會聽住收音機瞓覺，深宵電台節目的好處係主持人少說話多播歌，瞓到濛濛瀧瀧忽然聽到一首好耐冇聽到嘅好歌，每一句歌詞都令我感動，每一句歌詞都震撼着我，亦係我想同乖乖講的心底話。

己所不欲勿施於人

 

婆婆從小就教我好多人生大道理，其中一樣影响我待人處事至深的就是："己所不欲，勿施於人"。
從對待家人朋友到對工作團隊甚至對乖乖我都是遵守這條人生大道理。
自從加入facebook，每日在網上都看到令人嘖嘖稱奇嘅狗狗video，佢哋識做的指令無奇不有，最近在網上爆紅的一條片係四隻狗狗飯前一齊低頭祈禱，食完乾糧各自收拾狗兜拿回給主人，那種乖巧相信令好多狗主羨慕不已！我當然亦非常impress。連我Mammy都叫我訓練下乖乖！
但我覺得欣賞別的狗是一件事，若然問我會唔會訓練乖乖做一些有趣的指令，我嘅答案係"唔會"！
講真，我自己最憎俾人"點"，最唔鐘意D人哋指揮若定！基於己所不欲，勿施於人的大原則，我好少要求乖乖做指令。以前我都講過，佢識做的hand hand, up, sit, give me five, Le D小兒科指令全部都係佢前主人教他的。至於好多狗狗識做的down, turn, 扮死，請請等，我Le個仔通通唔識。(我估...如果我堅持要教佢，佢一定會識，話哂Poodle係全世界第二最聰明嘅狗，乖乖又唔係特別蠢，冇理由學唔會，只不過我真係覺得冇需要教，佢又唔係要去考馬戲班！)
我甚至覺得佢識做又如何？你年年月月repeatedly叫佢扮死？請請？hand hand？好似好無聊啫！你唔悶，佢都覺得你煩啦！有乜好玩呢？講穿咗咪純粹滿足下自己走去"點"人嘅心態！咁勁，就唔係去"點"一隻冇say嘅狗啦！我個仔有幾乖，有幾聽話，有幾醒，我心知肚明，並唔需要叫佢去做"表演"去証明D乜嘢。
我唯一自己教曉乖乖的兩個指令係OK同埋stay。
Le兩個practical指令對他非常重要，由於每日落街walk在安全情況下我會放繩俾乖乖自由行，基本上乖乖都知道不能離我太遠，但始終每段路口都有一定危險，所OK同stay的指令對乖乖的安全有莫大關係，Le兩個指令我一定要他學識！OK代表可以前進，我話Stay佢就會企定等我。過大馬路我就一定會抱起佢，當我話stay，抱抱，佢就會雙腳企高、兩手向上等我抱，其實我個仔都識聽好多嘢架。
我俾乖乖的自由度非常高，我好少閙佢，甚至大聲話佢都好少。
作為一隻寵物，就註定好命，因為佢嘅身份己經告訴了你，佢係應該被寵的，而乖乖更是被縱！
望着他陽光般的笑臉相信你亦不難理解為何他總是這樣快樂！而可以令他快樂，我已快樂非常，佢唔需要再做D咩指令去please我！

變靚D

正所謂人靠衣裝，狗靠剪裝真係冇錯！乖乖已由王子變咗做乞兒仔，所以又到咗佢去變靚D嘅時候，一於剪返個清爽裝去迎接夏日先！

不打不相識

乖乖做完body check，嘆埋個lunch就返歸，其間竟然兩次遇上Le位2歲嘅小朋友！
                                       
正所謂不打不相識，咁就一於嚟返場比武啦！

乖乖：嗱，唔好話我大蝦細呀！佢撩我架咋！

乖乖：佢要越級挑戰重量級，我都冇辦法，只好奉陪到底！

最大的Blessing

再生日乖乖就8歲喇，好多人都話這是狗狗步進老年的日子。每日望住乖乖卻總覺得老離他很遠。除了他相對寵大的身型就知道他不會是這三、兩年的"產物"，但望着他的笑臉卻找不着一點歲月的足跡。或者，這就是生活無憂、有人疼愛的樣子吧！
每年四月又到咗乖乖一年一度去clinic打annual booster嘅時候。今年內心有點兒struggle，除咗打加强針係咪真係要幫乖乖抽血做個body check呢？錢絕對唔係我考慮的因素、而係...我好驚，真係好驚化驗報告出嚟話乖乖有唔妥！早前同奶茶亞五傾開Le個話題，佢話早D做檢查，早D發現毛病，早D醫 / 預防。Le 個道理我當然明白，但作為一個長期病患者，我話如果乖乖可以好開心想食乜就食乜，事事隨心所欲，唔使下下就住就住，禁這些戒那些，謝絕一切零食而活少幾歲，我覺得...還是值得。
若然要活得好strict，給他活到20歲又如何？始終咪又係會死！ 人生已有太多無奈、我嘅top agenda係令乖乖在有生之年盡情享受，每天都活得精彩，日日都過得快樂，感受到最多最多的愛，令佢覺得不枉此生，死而無憾我就mission accomplished。至於佢可以有幾長命，只有天知！
Anyway，book咗今日同佢去打針。咁開心？一陣睇你仲笑唔笑得出！

兒童節大餐

4月4號兒童節當然要為乖少準備兒童節大餐等佢happy下啦！一放工就拿拿聲去買齊材料返屋企再開工^o<
昨日為乖乖整佢最Like嘅羊肉批。主材料有免治羊肉、甘筍、麵粉、雞蛋，為了增添香味我亦加了一瓣蒜頭(有說是天然驅蝨良品)和少許新鮮薄荷葉

麵粉先篩過加入蛋黃(可落全蛋，但昨晚我要用蛋白作另一味菜，所以留起)

為求令這個批皮味道更佳，所有水份我用Pet Milk代替。弄成一個唔沾手的粉團就OK