樂遊川龍

 星期日天氣好到不得了，唔出去行下都對唔住乖乖啦！

 

一心想去城門水塘，去到小巴站又見到條見首不見尾嘅人龍，我哋梗係又即時轉軚啦！返正到食lunch時間，一於搭van仔上川龍飲茶啦！Wow上到去竟然旺場到不得了，唔單止要等位連攞點心都大排長龍！

 

                                       

雖然有得睇冇得食但乖乖真係好乖，坐喺度郁都唔郁

茶居附近有自耕菜賣

 

食飽就出發lu！

當我欣賞緊Le一大片西洋菜田嘅時侯....

 

 

 有個小朋友以為菜田係草地，跳咗落去 @o@！！！

 

繼飛哥跌落坑渠後，今日有肥仔跌落菜田！

 

  有人成腳濕哂！
 
講真，真係唔可以怪乖乖，咁樣望落去仲唔係草地？試問佢點知D"草"下面係水wor！
 

 

 

攪到成個乞兒仔咁，不過乖乖一D都唔mind！唔濕都濕咗，我亦冇得mind！

 
 
 

 

 

 

 

 

 

 

 

 

 

 

 

 

 

                    

                    
Le 個黑色小朋友被一個住鐵皮屋嘅婆婆收養，但婆婆話佢週屋痾尿罰咗佢兩日冇飯食！聽完我叫獅子王快D俾多D零食佢食，冇飯食咁慘！希望佢以後乖乖地啦，如果唔係又要捱餓架喇

 

                        

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

有個小朋友行行下唔願行，要Daddy抱

 

成個BB咁，Cute！

 

 

Wow D 炮仗花開得好燦爛奪呀
 

 

由川龍行返落玄圓學院就返歸lu，乖乖要趕住返去洗白白呀！