殘酷現實

自2013年尾獅子王無聲無息地"幫"我開咗個facebook後，我的寫blog日程起了不少變化。
Blog對於我嚟講係一個深入，提供full picture的一個詳盡記錄。而facebook只係一個snap shot，一句起兩句止嘅即時記錄。
Facebook的確方便，當我懶時我會將乖乖的點滴放喺Facebook但我絕對唔會放棄Blog le個地盆。
Facebook每日都有大量資訊，有開心日誌，歡樂時光，但有更多令人心傷的現實！
每日喺Facebook都見到有各式各樣的藉口去棄養！無數寵物被遺棄要尋家，貓、狗、兔，老老嫩嫩要乜有乜！每日都見到有尋犬啟示！常常見到有狗場出post話拾獲病狗要花具額醫藥費去幫狗醫病！
我時時都諗點解D人咁都做得出，自己隻狗有病唔帶佢去醫，就咁當垃圾掉佢出街就算！真係冇感情嘅咩？
早前喺Facebook見到有幾隻大白兔本來係HK某大學用來做實驗的兔仔，後來大學放棄做實驗，在4日內要找到領養者否則送交漁農署！亦即係那班白兔逃得過實驗那一劫都一樣要死！其實有一剎那我真係好想去領養一隻，但多養一隻寵物會分薄我對乖乖嘅愛，對乖乖係唔公平嘅！而且救到一隻又如何？每日都有好多好多動物逃不過！
Facebook在於我嚟講係一個殘酷現實。咁大個人我當然知道Le個世界並不是perfect，但知道係一件事，要赤裸裸面對，往往還是會令人窒息的！Blog可算係一個避風港！反正在這裏感覺風平浪靜！正所謂眼不見為乾淨，就讓我繼續活在象牙塔內吧！

樂遊川龍

 星期日天氣好到不得了，唔出去行下都對唔住乖乖啦！

 

一心想去城門水塘，去到小巴站又見到條見首不見尾嘅人龍，我哋梗係又即時轉軚啦！返正到食lunch時間，一於搭van仔上川龍飲茶啦！Wow上到去竟然旺場到不得了，唔單止要等位連攞點心都大排長龍！

 

母子樂@汀九

 

獅子王出差未返，星期六早上獨自帶乖乖去汀九橋底公園玩，睇下Le個小朋友幾開心！

 

 

As expected 我哋兩母子又包場

穩陣翠園

有時唔係成日想幫襯D大集團，不過無可否認美心的中式食店係穩陣之選！出荃灣食飯翠園係其中一間價錢合理，水準OK的食店。我唔會話佢嘅食物係超班，不過當街外好多食店我會用難食去影容，翠園出品就相對非常穩陣！
                        燒腩仔，肥瘦均勻，上檯時仲係暖的，正！

 

                           
                          鮑魚粉絲煲如果做得乾身D會好D

兩家人的情人節

情人節唔係一定要兩個人過先開心，兩家人一齊過一樣可以好快樂！
本來昨日Christy提議去流浮山一個士多啤梨園玩，但原來weekday唔開架！唔開門就去元朗食lunch，跟住去小蕾屋企玩，一樣好開心！小蕾同乖乖全日笑不攏嘴！

 

盆滿砵滿2014

數星期前歡樂組組長問有冇興趣去茘枝山莊食盤菜，Le D 有得食，有得玩，唔使早起身又唔使行動腳軟嘅節目梗係要參加啦！原來Le個盆菜宴係聖公會寵愛軒主辦架
                         
大會仲預備咗豐富禮物，旣有抽獎亦有問答比賽！我哋一班朋友將所得的禮品全部捐去俾Kelly Dog Shelter嘅小朋友

上星期日天公不做美，整日落雨所有小朋友都冇得四圍玩，乖乖冇哂表情！唉，連續兩年嚟食盆菜都落雨，又會咁啱嘅？

 

望朱古力止渴

唔知由幾時開始情人節好多男仔都鐘意送朱古力俾女仔，近年就多咗好多女仔親手整朱古力送俾男仔。至於我...由於我個人太sweet，連D血糖都甜過人，所以獅子王可以慳返唔使送！

唔食得，睇下都好！尖沙咀海港城又舉行"Chocolate Trail"今年邀請咗幾位來自世界各地的藝術家以朱古力為主題製成fashion items。如果Le D藝術品真係食得，你捨唔捨得食呀？ 

                                                                               

滿載而歸@Pet Show

 一年一度的Pet Show我又點會錯過？ 

                                    早D去，人少D可以慢慢睇

叫鴨夜

                          今晚帶埋獅子王去幫襯"鴨店"。            

                            雞，佢就叫得多，輪都輪到我叫鴨啦！hahaha！

太感動！

自開始寫blog認識咗一班"虛擬朋友"，感覺是"這麼近，那麽遠！"大家常常在網上談天，但卻從未相見！雖然從未聚頭但又好像認識很久！既熟識且陌生！
小花媽係其中一個我覺得十分親切而又志趣相投的"虛擬朋友"，從宗教，煮食到寵物，大家都有共同喜好 / 話題。她更是一個我要好好的學習對像！
日前收到她的message話佢去日本旅行買咗D嘢俾乖乖。Wow！ What a surprise！去旅行竟然想起素未謀面的乖乖同我，非常有心，真係超級感動呀！

                              昨晚終於收到Le份遠渡重洋的心意禮物

乖乖真係知道Le份物品係寄俾佢架

Wow sooooo cute！

 

衷心多謝你的美意，Flora

十分喜歡這個精美袋子，帶乖乖出街可以用它來載他的物品！

 

              Once again，多謝妳！

 

素腐皮卷

新年大家都大魚大肉，不自覺地食多咗，所以又係時候食返個素。好耐冇整腐皮卷，今晚獅子王唔返屋企食飯，簡單食完個一人晚餐就入廚房"減壓"。材料一眼睇哂

                   話明整腐皮卷當然要有腐皮啦！

所有材料切/刨絲，芹菜切粒 (結果用咗兩片豆腐乾，一條素雞，六隻大冬菇，一條甘筍&兩棵芹菜)

估唔到一條甘筍咁多wor

                        先爆香冬菇

 

                       

 

 再依次序加入豆腐乾、素雞、紅蘿蔔絲加鹽、糖、油調味，灒酒，最後加入芹菜粒&少許麻油炒勻即可(其實Le味已經可以成為一味餸)
                       

餡料放涼後就用腐皮卷起

                       

 

                       
 Le個腐皮卷可以蒸，食時用西蘭花伴碟，再打個玻璃芡咁就靚仔哂。想香口D亦可以煎至金黃香脆
                         

今晚唔食住，只係做定放入雪櫃咋！

                       

無懼赤口

年初三赤口傳統唔會拜年，不過今日小蕾一家六口來深井探我們一家。

大家先去陳記醫肚 

 

Shiro 你好想食呀？